Nehemya 10:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ bialua bena buloba kutudi ne bintu biabo anyi blé yabo bua kutubanyishabi dituku dia lumingu, katuena tubiula dituku dia lumingu anyi dituku dikuabo dia tshijila; netujile tshidimu tshia muanda mutekete, netulekelelangane mabanza.

MUKANDA WA MYIDI MUKULU

³¹ Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 10:31 교차 참조

2 Kulondolola 36:21

bua kujadika dî dia Yehowa mukana mua Yelemiya, bua buloba busanke mu matuku abu a lumingu; bualu bua hakadibu bubutula, bakavuluka matuku a lumingu tô ne hakakumbana bidimu makumi muanda mutekete.

Nehemya 13:23

Mu matuku au kabidi nakamona ne Bena Yuda bakadi babake bakashi ba Bena Ashedodo ne Bena Amona ne Bena Moaba;

Nehemya 13:27

Tuetu netununvuile bua nuenu nuenze bualu ebu bubi bunene buonso ku mesu kua Nzambi wetu bua kubaka bakashi ba bende, anyi?

Ekesode 12:16

Dituku dia kumudilu nedikale dituku dia disangisha dia tshijila, ne dituku dia muanda mutekete nedikale dituku dia disangisha dia tshijila, kabenji mudimu mu matuku â, anu mudimu wa kudikebela bia kudia.

Ekesode 20:10

kadi dituku dia muanda mutekete didi Lumingu lua Yehowa, Nzambi webe Dituku adi kuenji mudimu, nansha wewe nansha muanʼebe wa balume nansha muanʼebe wa bakashi nansha muhika webe mulume nansha muhika webe mukashi nansha bimuna biebe nansha muenyi udi ku mbelu kuebe,

Ekesode 34:16

bua nuenu kanubikidi bana babo ba bakashi kudi bana benu ba balume; ne bana babo ba bakashi badi benda masandi ku mpingu yabo ka-benzeshi bana benu ba balume masandi kudi mpingu yabo.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Lewitiki 16:29

Bualu ebu nebuikale mukenji kunudi tshiendelele mu dituku dia dikumi mu ngondo wa muanda mutekete nenujinge mu mitshima yenu, kanuenji mudimu, nansha bantu baledibue mu nsubu yenu nansha benyi badi munkatshi muenu,

Lewitiki 23:21

Wewe newambile bantu dituku adi bua dituku adi dikale dituku dia disangisha dia tshijila kunudi, kanuenji mudimu eu udi mukenji wa tshiendelele mu nsubu yenu yonso tô ne mu bikondo bienu bionso.

Lewitiki 23:3

Nukuate mudimu matuku asambombo kadi dituku dia muanda mutekete ndituku dia lumingu dia kuikisha, dituku dia disangisha dia tshijila, kanuenji mudimu, edi ndituku dia lumingu dia Yehowa mu nsubu yenu yonso.

Matayi 6:12

Ulekelele mabanza a malu mabi etu bu mutuakumana kulekela kabidi badi nʼetu mabanza a malu mabi.

Kolose 2:16

Nunku muntu kanulumbuluishi bualu bua bia kudia, anyi bua bia kunua, anyi bua dituku dia disanka dia bidia, anyi bua dituku diabala ngondo, anyi bua dituku dia Lumingu lua Bayuda;

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.