Nehemya 1:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ teleja matshu ebe, ubulule mesu ebe bua wewe unvue kulomba kua muntu webe kudiye ukulomba munya ne butuku bualu bua Bena Isalele bantu bebe, hantshidi ntonda mibi ya Bena Isalele yakukuenzelabo. Bulelela, meme ne ba mu nsubu wa tatu wanyi tuakuenza bibi;

MUKANDA WA MYIDI MUKULU

⁶ Maweja-Nangila Mvidi Mukulu, mpindiewu, untangile, unteleje, umvua mundi nkutendelelela, meme muntu webe. Butuku ne munya, ndi anu nkulomba bualu buetu tuetu bena Izrayele, bantu bebe. Ndi nkulomba bua wewe kutufuilaku luse, bua bibi bionsu bitudi benze. Eyowa, meme ne bankambua banyi tudi benza bibi.

Nehemya 1:6 교차 참조

1 Bakalenga 8:30

Unvua kutendekena kua muntu webe ne kua bantu bebe Bena Isalele hadibo balomba mu muaba eu; ubunvuile mu diulu mu muaba webe ûdi mushikame; ne hau-nvua, utubuikidile mibi yetu.

1 Bakalenga 8:47

kadi biabangabo kuelangana meji munda muabo mu buloba buwakabatuma bu bahika, ne biakudimunabo mitshima yabo, biakutendekenabo mu buloba buwakabatuma bu bahika, bamba ne, Tuakuenza bibi, tuakuenza bualu buhote, tuakahambuka;

2 Kulondolola 28:10

Katataka nudi basue kubuesha Bena Yuda ne ba mu Yelushalema bu bahika benu bakashi ne balume; kadi nuenu kanuakenzela Yehowa Nzambi wenu bibi, anyi?

2 Kulondolola 29:6

Bualu bua batatuʼetu bakenza malu mabi ku mesu kua Yehowa Nzambi wetu, bakamuhidia, bakakema nsubu wa Yehowa nyima, bakatangisha mpala yabo kukuabo.

2 Kulondolola 6:40

Katataka, Nzambi wanyi, ndi nkusengelela ne, Utabale mesu ebe, teleja matshu ebe ku kulomba kundi ndomba mu muaba eu.

Ezela 10:1

Hakadi Ezela utendelela, utondela bantu mibi, udila, udikuma hanshi ku mpala kua nsubu wa Nzambi, tshisumbu tshinene tshia Bena Isalele, ne balume ne bakashi ne bana, tshiakadisangisha kudiye; bantu bakadila bikole.

Ezela 10:11

Nunku nutonde mibi yenu kudi Yehowa, Nzambi wa bankambua benu, nuenze bu mudi disua diandi; nuditahulule kudi bena buloba ne kudi bakashi ba bende.

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Misambu 102:17

Neateleje matshu andi ku kulomba kua bakengi, kena ulengulula mulombu wabo.

Misambu 106:6

Tuakuenza bibi bu muakenza batatu betu; tuakuenza malu a tshishiku, tuakuenza malu mabi.

Misambu 130:2

Mukelenge, unvue dî dianyi. Matshu ebe ateleje dî dia kutendekena kuanyi.

Misambu 32:5

Nakatonda bubi buanyi kûdi, tshiakasokoka dihambuka dianyi ku buakane. Nakamba ne, Nentonde matomboka anyi kudi Yehowa; ne wewe wakandekelela dihila dia bubi buanyi.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Misambu 55:17

Dilolo ne dinda ne ha diba dia munda munya ndi musue kumuambila meji adi antatshisha, ndi ntua mikemu, ne yeye neunvue dî dianyi.

Misambu 88:1

Yehowa, Nzambi wa luhandu luanyi, nakudila ku mpala kuebe munya ne butuku.

Yeshaya 6:5

Ka meme nakamba ne, Mulau wakunkuata! Bualu bua ndi mujimine; bualu bua ndi muntu udi ne mishiku idi kayiyi miakane, ne ndi mushikame munkatshi mua bantu badi ne mishiku idi kayiyi miakane; bualu bua mesu anyi akumona Mukelenge, Yehowa wa misumba mene!

Muadi 5:7

Batatuʼetu bakenza malu mabi, kabenaku kabidi; ne tuetu tuakuhiana mibi yabo.

Danyele 9:15

Katataka, Mukelenge Nzambi wetu, wakuluhula bantu bebe mu buloba bua Ejipitu ku tshianza tshikole, wakunvuisha dina diebe dinene bu mudidi lelu eu, tuakuenza bibi, tuakuenza malu mabi.

Danyele 9:20

Hanakadi ngakula, ndomba Nzambi, ntonda bubi buanyi ne mibi ya bana betu Bena Isalele, hanakadi ntendekena ku mpala kua Yehowa Nzambi wanyi bualu bua mukuna wa tshijila wa Nzambi wanyi,

Danyele 9:4

Nakatendelela Yehowa Nzambi wanyi, nakalonda mibi yanyi kudiye, nakamba ne, Mukelenge, Nzambi mimene udi ukuatshisha bantu buowa, udi ulonda tshihungidi tshiandi ne udi ulesha luse lujalame kudi bantu badi bamunanga ne badi batumikila mikenji yandi;

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Danyele 9:8

Mukelenge, ku mesu kuetu kudi anu bundu, kudi bakelenge betu, kudi bakokeshi betu ne kudi batatuʼetu, bualu bua tuakukuenzela bibi.

Luke 18:7

Nzambi mene kena usombuela bakasunguleye, batu badila kudiye butuku ne munya, nasha bialehesheye musangu mule bua kubakuatshisha, anyi?

Luke 2:37

wakashala mu lufuila bidimu makumi muanda mukulu ne binai; yeye kakumuka mu ntempelo, wakatendelela Nzambi butuku ne munya, ujila bia kudia, umulomba.

Efeze 2:3

Tuetu kabidi tuakikala munkatshi muabo diambedi, tuakalonda nkuka ya mibidi yetu, tuakalonda malu akadi mibidi yetu ne meshi etu bisue, bakaledibua bena lukuna bu mudi bakuabo.

1 Timote 5:5

Mukashi udi ne lufuila lua bushua ne udi ha nkayandi, udi utekemena Nzambi, ne udi unanukila mu kusengelela ne mu kulomba kuandi butuku ne munya

2 Timote 1:3

Ndi nsakidila Nzambi, undi nkuatshila mudimu mu muoyo-mukese mutoke, bu muakenza bankambua banyi, mundi nkuvuluka tshi ne ndekelu mu kulomba kuanyi, butuku ne munya

1 Yone 1:9

Bituatonda mibi yetu, yeye udi wa kueyemenyibua ne udi ne buakane bua kubuikidila mibi yetu, ne bua kutulengesha ku malu mabi onso.

1 Samuele 15:11

Nakakudimuna mutshima bua nakasungula Shaula mukelenge, bualu bua yeye wakasesuka, kena undonda, kena utumikila mikenji yanyi. Samuele wakadi ne tshiji tshikole, wakadila kudi Yehowa butuku abu buonso.