Muambi 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kakuena muntu udi mua kukandika muhuya wa muoyo; yeye kabidi kena mua kuindisha dituku dia lufu; kabena balekela bena nvita hatshidibo baluangana; bubi kabuena mua kuhandisha muenʼabu.

MUKANDA WA MYIDI MUKULU

⁸ Muntu nansha umue kena ne mushindu wa kushala ne muoyi panu. Muntu nansha umue kena mua kuseja dituku dia lufu luende panyima. Ke mvita idi muntu nansha umue kayi mua kunyema. Muena tshibawu nebamunyoke kamuyi mpata.

Muambi 8:8 교차 참조

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

2 Bakalenga 7:15

Bakabihata tô ne ku Yadene; monai, nshila wakadi mûle tente ne bilulu ne bintu biakimasha Bena Sulia mu lubilu luabo. Bantu hakahingana, bakamanyisha mukelenge.

Yobe 14:5

Bikala matuku a muntu mamane kuhangidisha, bikala bungi bua ngondo yandi mu bianza biebe; biwikala mujadike mikalu yandi bua yeye kayisambuki,

Yobe 34:14

Biumusheye mutshima wandi bua kuhinganau kudiye, biasangisheye nyuma wandi ne muhuya wandi munda muandi nkayamu,

Misambu 89:48

Muntu kai wamanya mua kushala ne muoyo kayi utangila lufu? Wamanya mua kuhandisha muoyo wandi mu bukole bua Muaba wa Bafue nganyi?

Misambu 9:17

Budi bantu babi nʼabu mbua kualukila mu Muaba wa Bafue; bonso mene ba mu bisamba bia bantu badi bahua Nzambi muoyo nebenze nunku.

Nsumuinu 12:3

Muntu kena mushindame ku malu mabi, kadi muji wa bantu bakane kawena unyungishibua.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Muambi 3:21

Udi mumanye ne, Muoyo wa muntu udi ubanda kulu, anyi muoyo wa nyama udi uhueka muinshi mua buloba nganyi?

Muambi 8:13

kadi muntu mubi kena uheta diakalengele, yeye kena uvudisha matuku andi, adi bu mindidimbi; bualu bua yeye kena utshina ku mesu kua Nzambi.

Muambi 9:12

Muntu kena mumanye tshikondo tshiandi; bu mudi minyinyi ya mu mai ikuatshibua mu kahamba kabi, ne bu mudi nyunyu ihia masoka, nunku bana ba bantu badi bakuatshibua mu tshikondo tshibi haluatshi kudibo lukasa.

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Yeshaya 28:18

Tshihungidi tshienu ne lufu netshishihibue, ne dî dinuakuhunga ne Muaba wa Bafue kadiena dijalama; hahitshilamu tshihuhu tshidi tshihongoloka, netshinudiate hanshi.

Yeshaya 47:10

Bualu bua wewe wakueyemena malu mabi ebe; wakuamba biebe ne, Kakuena muntu udi untangila. Meji ebe ne lungenyi luebe biakukusesuisha mu nshila; ne wewe wakuamba mu mutshima webe ne, Meme ndiku, kakuena mukuabo nʼanyi hohamue.

1 Korente 15:43

udi ukunyibua kawi ne butumbi, udi ubishibua ne butumbi; udi ukunyibua ne butekete, udi ubishibua ne bukole;

2 Korente 13:4

Yeye wakashihibua ku mutshi mutshiamakane bua butekete bua mubidi, kadi udi ne muoyo bua bukole bua Nzambi. Tuetu tudi batekete nʼandi, kadi netuikale nʼandi ne muoyo bualu bua bukole bua Nzambi kunudi.

Ebrewu 9:27

Bualu bua budi busunguila bantu bua kufuabo musangu umue, ne ku nyima kua hualu ebu kulumbulula kudiku;