Muambi 8:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ bualu bua yeye kena mumanye malu alualua; nganyi udi mua kumanya muikalau?

MUKANDA WA MYIDI MUKULU

⁷ Kadi katuena bamanye bidi ne bua kuenzeka. Wakambila muapita malu nnganyi?

Muambi 8:7 교차 참조

Estere 5:12

Hamana wakamba dî dikuabo kabidi ne, Bulelela, Esetê mukelenge mukashi kakitabusha bua muntu mukuabo aye ne mukelenge ku bidia bia disanka biakalongololeye anu meme; ne makelela kabidi wakumbikila meme ne mukelenge bua kudia nʼandi.

Nsumuinu 24:22

Bualu bua dibutuka diabo dilualua lukasa; udi mumanye kabutu kadi kabakuata bubidi buabo nganyi?

Nsumuinu 27:1

Kuditumbushi bua malu a makelela, bualu bua kuena mumanye muanda walua dituku dikuabo.

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Muambi 10:14

Muhote udi utudisha mei, kadi muntu kena mumanye malu adi kâyi manze kulua; udi mumanye mua kumuambila malu adi amulonda nganyi?

Muambi 3:22

Nunku nakajingulula ne, Kakuena bualu buimpe bu bua muntu kusanka mu midimu yandi; bualu bua edi ndifutu diandi; wamuhingasha ha buloba bua kutangileye malu adi alonda ku nyima kuandi nganyi?

Muambi 6:12

Nganyi udi mumanye malu adi makanyine muntu udi uhitshisha matuku makese a muoyo wandi wa hatuhu bu mundidimbi? Nganyi udi mua kuambila muntu malu alualua ku mpala kuandi muinshi mua diba?

Muambi 7:14

Mu dituku dia diakalengele usanke biebe; ne mu dituku dia dikenga, welangane meji; bulelela, Nzambi wakavuisha dituku dimue diakanangane ne dikuabo, bua muntu kajinguludi malu atshilualua.

Muambi 9:1

Bualu bua nakateka malu â onso mu mutshima wanyi bua kuateta bu mudi bantu bakane ne bena meji ne midimu yabo bidi mu bianza bia Nzambi; bikalaku dinanga anyi lukuna, muntu kena mumanye; malu onso adi ku mpala kuabo.

Muambi 9:12

Muntu kena mumanye tshikondo tshiandi; bu mudi minyinyi ya mu mai ikuatshibua mu kahamba kabi, ne bu mudi nyunyu ihia masoka, nunku bana ba bantu badi bakuatshibua mu tshikondo tshibi haluatshi kudibo lukasa.

Matayi 24:44

Nunku nuenu kabidi nudilongolole, bualu bua Muana wa muntu nealue ha diba dinudi kanui belangane meshi.

Matayi 24:50

nfumu wa muhika au nealue dituku didiye kai mutekemene ne ha diba didiye kai mumanye,