Muambi 8:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hanateka mutshima wanyi ku dijingulula dia meji ne ku dimona dia midimu idi yenjibua ha buloba (bualu bua bakuabo badiku badi kabayi baheta tulu ku mesu munya ne butuku),

MUKANDA WA MYIDI MUKULU

^16-17 Mvua muenze muanyi muonsu bua kumanya mudi muntu mua kupeta meji. Mvua njooja kabidi midimu idi bantu bakuata pa buloba. Meme kumona ne: nansha tuetu bashale ne tshitabela munya ne butuku, katuena mua kumanya mudi Mvidi Mukulu upita ne malu onsu adi amueneka pa buloba to. Nansha tuetu bakeba bapungila, katuakumanya mudi Mvidi Mukulu ukuata mudimu. Muntu wa meji udi wamba ne: meme ndi mumanye, udi udidinga.

Muambi 8:16 교차 참조

Genese 31:40

Nakadi ne dikenga nunku, munya wakangosha, mashika akankuata butuku, tshitabala tshiakankuata.

Misambu 127:2

Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

Muambi 1:13

Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Muambi 1:14

Nakatangila malu onso adi menjibue muinshi mua diba; monai, malu au onso adi hatuhu, adi bu kuihata kua luhehele.

Muambi 1:17

Nakuteka mutshima wanyi mu kukeba kua meji ne mu kujingulula kua buhote ne malu a tshianana; nakamanya ne bualu ehu kabidi budi bu kuihata kua luhehele.

Muambi 2:23

Bualu bua matuku andi onso adi ne ntatu ne mudimu wandi udi wa kanyinganyinga; mutshima wandi mene kawena wikisha butuku. Ebu mbualu bua hatuhu kabidi.

Muambi 4:8

mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Muambi 5:12

Tulu tua muena mudimu tudi tuimpe biadieye bintu bikese anyi bia bungi; kadi kukuta kua muntu mubanji kakuena kumuladika tulu.

Muambi 7:25

Nakateka mutshima wanyi ku kumanya ne kujingulula lungenyi ne kusokolola kua malu onso bua meme kumanya buhote bua malu mabi, ne ditshimbakana dia malu a hatuhu.

Muambi 8:7

bualu bua yeye kena mumanye malu alualua; nganyi udi mua kumanya muikalau?

Muambi 8:9

Nakatangila malu au onso; nakateka mutshima wanyi ku malu onso adi enjibua muinshi mua diulu; tshikondo tshidiku tshidi muntu ne bukole bua kukengesha mukuabo.