Muambi 7:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mu dituku dia diakalengele usanke biebe; ne mu dituku dia dikenga, welangane meji; bulelela, Nzambi wakavuisha dituku dimue diakanangane ne dikuabo, bua muntu kajinguludi malu atshilualua.

MUKANDA WA MYIDI MUKULU

¹⁴ Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.

Muambi 7:14 교차 참조

1 Bakalenga 8:47

kadi biabangabo kuelangana meji munda muabo mu buloba buwakabatuma bu bahika, ne biakudimunabo mitshima yabo, biakutendekenabo mu buloba buwakabatuma bu bahika, bamba ne, Tuakuenza bibi, tuakuenza bualu buhote, tuakahambuka;

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Misambu 119:71

Bidi bimpe kundi bua nakukengeshibua, bua nyile bianyi mikenji yebe mifunda.

Misambu 40:3

Wakateka musambu muhia-muhia mukana muanyi, musambu wa kutumbisha nʼau Nzambi wetu. Bantu ba bungi nebamone luhandu luanyi, nebatshine, nebeyemene Yehowa.

Muambi 10:14

Muhote udi utudisha mei, kadi muntu kena mumanye malu adi kâyi manze kulua; udi mumanye mua kumuambila malu adi amulonda nganyi?

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Muambi 12:8

Muambi udi wamba ne, Malu a hatuhu, malu onso adi hatuhu.

Muambi 3:22

Nunku nakajingulula ne, Kakuena bualu buimpe bu bua muntu kusanka mu midimu yandi; bualu bua edi ndifutu diandi; wamuhingasha ha buloba bua kutangileye malu adi alonda ku nyima kuandi nganyi?

Muambi 3:4

tshikondo tshia kudila ne tshikondo tshia kuseka; tshikondo tshia kuasa madilu ne tshikondo tshia kuja maja;

Muambi 5:17

matuku andi onso akadi mu midima, mu kanyinganyinga, ntatu, masama ne mu tshiji tshikole.

Muambi 8:7

bualu bua yeye kena mumanye malu alualua; nganyi udi mua kumanya muikalau?

Muambi 9:7

Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 42:25

Nunku yeye wakahumuna bukole bua tshiji tshiandi, ne bukole bua nvita hamʼbidi habo. Nvita yakabatemeshila kahia mu nseke yonso, kadi kabakajingulula bualu ebu; kahia kakabosha, kadi kabakateka bualu ebu mu mitshima yabo.

Yirmeya 23:20

Tshiji tshia Yehowa katshiena tshikudimuka tô ne hashikisheye kuenza malu onso akuhungeye mu mutshima wandi. Mu matuku alualua ku mpala nenujingulule bualu ebu bimpe.

Muadi 3:38

Makenga ne masanka kabiena bifuma kudi Mutambe Bunene wa mu Diulu, anyi?

Mika 6:9

Dî dia Yehowa didi diedibua mu musoko, muena meji neatshine dina diandi.

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

Dielulula 26:11

nenusanke mu malu mimpe onso akanuha Yehowa, Nzambi wenu, ne nuenu ne ba mu nsubu yenu, ne Muena Lewi ne benyi badi munkatshi muenu.

Dielulula 28:47

Bualu bua nuenu kanuakakuatshila Yehowa, Nzambi wenu, mudimu ne disanka mu mitshima yenu bua bintu bionso biakanuheye,

Dielulula 8:3

Yeye wakanuhuekesha, wakanufuisha nzala ne wakanudisha ne mana a mu diulu, anudi kanuyi bamanye, ne akadi batatu benu kabayi bamanye; bua kunumanyisha ne, Muntu kena wikala ne muoyo bualu bua bidia nkayabo kadi utu wikala ne muoyo bualu bua mei onso adi ahatuka mukana mua Yehowa.

Dielulula 8:5

Nuenu nuelangane meji mu mitshima yenu ne, Bu mudi tatu ukengesha muanʼandi mulume, nunku Yehowa, Nzambi wenu, wakanukengesha.

Yakobe 5:13

Muntu udi ne dikenga munkatshi muenu, anyi? Alombe biandi Nzambi. Muntu udi ne disanka, anyi? Imbe biandi misambu.