Muambi 6:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nganyi udi mumanye malu adi makanyine muntu udi uhitshisha matuku makese a muoyo wandi wa hatuhu bu mundidimbi? Nganyi udi mua kuambila muntu malu alualua ku mpala kuandi muinshi mua diba?

MUKANDA WA MYIDI MUKULU

¹² Muntu udi upita lubilu panu bu mundidimbi. Udi mumanye tshia nsongu tshidi muntu mua kuenza matuku makese adiye usomba panu nnganyi? Muntu nansha umue kena mua kumumanyisha kabidi bidi ne bua kuenzeka pa buloba, yeye mumane kufua.

Muambi 6:12 교차 참조

1 Kulondolola 29:15

Bualu bua tuetu tudi benyi ku mpala kuebe, tudi anu bu bahitshi ba mu buloba bu muakadi bankambua betu; matuku etu a ha buloba adi bu mundidimbi, katuena ne ditekemena dia kushalaku.

Yobe 14:2

Udi umena bu tshilongo ne udi ufubidila, udi uhita lubilu bu mundidimbi ne kena ushalaku.

Yobe 14:21

Bana bandi badi baheta butumbi, kadi yeye kena mumanye bualu ebu; badi bahuekeshibua, kadi yeye kena ubamona.

Yobe 8:9

Bualu bua tuetu ludi anu bu bantu bakalelabo makelela, katuena bamanye bualu, bualu bua matuku etu a ha buloba adi anu bu mundidimbi.

Misambu 102:11

Matuku anyi adi bu mundidimbi udi uleha hamba diba kubuela; nakufubidila bu mashinde.

Misambu 109:23

Nyaya bu mundidimbi haleheshibuau, badi bangumusha bu mudibo batutula mukumbi hamʼbidi.

Misambu 144:4

Muntu udi bu muhuya; matuku andi adi bu mundidimbi udi ujimina.

Misambu 16:5

Yehowa udi luanyi luseke lua buhianyi buanyi ne lua luhanza luanyi; wewe mene udi unjadikila luseke luanyi lua buhianyi.

Misambu 17:15

Kadi meme hanyi, mu kubingishibua kuanyi, nemmone mpala webe: nengikale ne disanka dikumbane hanatabala ne hanatangila tshifuanyikishi tshiebe.

Misambu 4:6

Ba bungi badi bamba ne, Muntu kayi watulesha diakalengele? Yehowa, utubandishile munya wa mpala webe.

Misambu 47:4

Udi utusunguila buhianyi buetu, budi butumbi bua Yakoba udiye nʼandi dinanga.

Misambu 89:47

Uvuluke bukese bua matuku anyi; uvuluke bu muwakafukila bana bonso ba bantu hatuhu!

Muambi 10:14

Muhote udi utudisha mei, kadi muntu kena mumanye malu adi kâyi manze kulua; udi mumanye mua kumuambila malu adi amulonda nganyi?

Muambi 12:13

Eu nshikidilu wa malu onso; malu onso adi munvuike. Utshine Nzambi, utumikile mikenji yandi; ebu mbualu buonso budi muntu ne bua kuenza.

Muambi 2:24

Kakuena disanka kudi muntu bu kudia, kunua ne kusankisha mutshima wandi mu midimu yandi. Nakatangila disanka edi ne, Ndifume ku tshianza tshia Nzambi.

Muambi 2:3

Nakelangana meji mu mutshima wanyi bua kusankisha mubidi wanyi ne nvinyo, mutshima wanyi mutshikale undombola mu meji; nakateta malu a buhote bua kujingulula tshidi tshimpe bua ba ha buloba benze muinshi mua diulu matuku onso a muoyo waho.

Muambi 3:22

Nunku nakajingulula ne, Kakuena bualu buimpe bu bua muntu kusanka mu midimu yandi; bualu bua edi ndifutu diandi; wamuhingasha ha buloba bua kutangileye malu adi alonda ku nyima kuandi nganyi?

Muambi 6:11

Hadi mei avulangana, kudisua kudi kuyisangana kabidi, ne bualu buimpe budi muntu uheta budi hanyi?

Muambi 7:15

Nakatangila malu onso mu matuku a ditshimbakana dianyi; muntu muakane udiku, udi ufua mu buakane buandi; muntu mubi udi uvudisha matuku andi mu bubi buandi.

Muambi 8:13

kadi muntu mubi kena uheta diakalengele, yeye kena uvudisha matuku andi, adi bu mindidimbi; bualu bua yeye kena utshina ku mesu kua Nzambi.

Muambi 8:7

bualu bua yeye kena mumanye malu alualua; nganyi udi mua kumanya muikalau?

Muambi 9:6

Dinanga diabo ne lukinu luabo ne mukau wabo biakajimina kale; kabena ne bualu bukuabo tshiendelele mu malu onso adi enjibua muinshi mua diba.

Muambi 9:9

Usanke ne mukashi webe ûdi munange matuku onso a muoyo webe wa ha buloba akukuhabo muinshi mua diba, matuku ebe mene a ha buloba; ebu mbuebe buhianyi bua mu muoyo ne mu midimu yebe iudi wenza muinshi mua diba.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Yakobe 4:14

kadi kanuena bamanye malu kai neikaleku makelela. Muoyo wenu udi tshinyi? Nudi bu dibungi, didiku tshituha tshihi, hashishe didi dijimine.