Muambi 6:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tshintu tshionso tshidiku katataka tshiakamana kuidikibua dina diatshi kale; muntu udi mumanyibue kabidi, nunku kena mumanye mua kufuilangana ne udi mua kumuhita bukole.

MUKANDA WA MYIDI MUKULU

¹⁰ Bionsu bidi bienzeka lelu, mbamane kubijadika kale. Tudi bamanye kabidi muntu muende mudiye: kena mua kuelangana mpata ne udi mumupite makanda to.

Muambi 6:10 교차 참조

Genese 3:9

Yehowa Nzambi Wakabikila mulume, wakamukonka ne, Wewe udi kudi kunyi?

Yobe 33:13

Bualu kai wewe udi musue kufuilangana nʼandi, umubanda ne, Kena usokoluela bantu bienzedi biandi?

Yobe 40:2

Muntu udi udiula mei andi neasue kubambakasha mei ne Wa Bukole Buonso, anyi? Muntu udi utetangana mei ne Nzambi, itabe makonka andi.

Yobe 9:32

Bualu bua yeye kena muntu bu meme bua meme kumukudimuna dî, bua tuetu kulua hamue mu tshilumbuluidi.

Misambu 103:15

Bua mundi matuku andi adi bu mashinde, udi utumpuka bu tshilongo tshia mu budimi.

Misambu 39:6

Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Muambi 3:15

Malu adiku katataka akadiku kale; ne malu adi kâyi manze kulua akadiku diambedi; Nzambi neamueneshe kabidi malu akamana kujimina.

Muambi 6:11

Hadi mei avulangana, kudisua kudi kuyisangana kabidi, ne bualu buimpe budi muntu uheta budi hanyi?

Yirmeya 49:19

Monai, neabandeku bu mudi nyama wa ntambue mufume ku ditu dia ku musulu wa Yadene bua kuluisheye mikoko idi mu luhangu ludi hola, nunku nembihate mu muaba wabo lukasa, nenteke muntu yonso undi nsungula ha mutu hau. Bualu bua udi bu meme nganyi! Nganyi udi mua kusunguila tshikondo tshia kuenza bualu? Mulami wa mikoko kai udi mua kuimana ku mpala kuanyi?

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?