Muambi 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Biwatangila bahele bakengeshibue ne kunyanga kua bilumbuluidi ne kushiha kua mikenji mu province wenu, kukemi bua malu au; bualu bua banfumu bonso badi ne banga badi babatangila, ne udi mubatambe bonso udi ha mutu habo.

MUKANDA WA MYIDI MUKULU

⁸ Bivua mua kuikala bilenga bipite, kupeta mukalenga wa ditunga udi wambuluisha batshidime.

Muambi 5:8 교차 참조

2 Kulondolola 26:10

Yeye wakasa bibumba mu tshihela kabidi, wakimba mena a mai, bualu bua yeye wakadi ne bimuna bia bungi; Wakenza nunku mu bibanda ne mu mpata kabidi; yeye wakadi ne bidime ne balami ba mionshi ya tumuma tukese mu mikuna ne mu maloba mimpe; bualu bua yeye wakananga mudimu wa budimi,

Yobe 24:23

Nzambi udi ubaha ditekemena, ne badi bajadikibuamu; mesu andi adi atangila nshila yabo.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 55:9

Mukelenge, ubutule malu adibo bahangidisha, uhandulule ndimi yabo, bualu bua ndi mmona tshimbambila ne ditandangana mu musoko.

Misambu 82:1

Nzambi udi udimanyika mu muaba wandi wa disangisha dia Nzambi, udi ulumbulula bilumbu munkatshi mua nzambi mikuabo.

Misambu 83:18

Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.

Misambu 95:3

Bualu bua Yehowa udi Nzambi munene, udi Mukelenge munene ha mutu ha nzambi yonso ya hatuhu.

Nsumuinu 22:16

Udi ukengesha muhele hua kuvudisha luhetu luandi, anyi muntu udi uhesha mubanji bintu, neabuele anu mu buhele.

Nsumuinu 24:12

Biwamba ne, Kabiakadi bamanye muanda eu, yeye udi uteta mitshima kena ûmona, anyi? Udi ulama muoyo webe kena mûmanye, anyi? Kena ufuta muntu bu mudi mudimu wandi, anyi?

Nsumuinu 8:17

Ndi munange badi bannanga, bonso badi bankeba ne lukunukunu nebansangane.

Muambi 3:16

Nakatangila muinshi mua diba ne mu muaba wa tshilumbuluidi muakadi dihetu, ne mu muaba wa buakane muakadi bubi kabidi.

Muambi 4:1

Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Muambi 5:9

Dikuatshisha dia buloba didi kudi bantu bonso; mukelenge muine udi ukuatshishibua ne bintu bia mu madimi.

Muambi 7:7

Muena meji udi wandamuka muhote ku dikengesha didiye nʼadi, mbueshilu idi inyanga mutshima.

Muambi 8:9

Nakatangila malu au onso; nakateka mutshima wanyi ku malu onso adi enjibua muinshi mua diulu; tshikondo tshidiku tshidi muntu ne bukole bua kukengesha mukuabo.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 3:15

Nudi nudiata bantu banyi muinshi mua makasa enu, nudi nuhela mpala ya bahele ne mpelu yenu munyi? Edi ndikonka didi Mukelenge, Yehowa wa misumba mene, unukonka.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 5:7

Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yezekiyele 18:18

Kadi bua tatu wandi mene, bualu bua wakakengesha bakuabo bikole, wakanyenga bintu kudi bana babo ku bukole ne wakenza malu adi kâyi makane munkatshi mua bana babo; monai, neafue bua mihi yandi.

Amosa 5:12

Bualu bua ndi mumanye ne malu mabi enu adi mavule, ne mibi yenu idi mihite bukole; nuenu nudi nukengesha badi bakane, nudi nuangata mbueshilu, nudi nusesuishe bahele ku tshibuelelu tshia musoko.

Amosa 6:12

Tubalu tudi mua kunyemena lubilu ha mabue, anyi? Muntu udi mua kuendeshelahu ngombe bua kukoka lukasu lua kudima nʼalu, anyi? Bua nuenu nuakukudimuna kulumbulula kuakane bu nyongangandu, ne mamuma a buakane bu bululu!

Mika 2:9

Nudi nuihata bakashi ba bantu banyi mu nsubu yabo mudibo ne disanka; nudi nunyenga butumbi buanyi kudi bana babo batekete tshiendelele.

Zekâya 8:6

Yehowa wa misumba udi wamba ne, Bikala bualu ebu bualu bua kukema ku mesu kua bantu aba ba mu matuku au, nebuikale kabidi bua kukema ku mesu kuanyi, anyi? Edi ndikonka dia Yehowa wa misumba.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Luke 1:32

yeye neikale munene, nebamuidike dina ne, Muana wa Udi Mutambe Bunene wa mu diulu; Mukelenge Nzambi neamuhe nkuasa wa butumbi wa tatu wandi Davidi;

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Luke 1:76

Ne wewe muana, nebakubikile ne Muprofete wa Udi Mutambe Bunene wa mu diulu, Bua wewe neuye ku mpala kua Mukelenge bua kumulongoluela nshila yandi,

Bienzedi 12:23

Muanjelo wa Mukelenge wakamukuma lukasa, bualu bua yeye kakadi utumbisha Nzambi; tuishi tuakamudia, wakahuola muoyo wandi.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.

1 Petro 4:12

Bananga, kanukemi bua dikenga didi bu kahia munkatshi muenu diakaluila kunudi bu diteta, bu bualu buhia-buhia buakanukuata;

1 Yone 3:13

Bana betu, kanukemi bikala ba ha buloba nʼenu lukuna.