Muambi 4:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe, nakatangila mudimu wonso ne ngenzelu wau mulengele bidi bivuisha bantu mukau. Bualu ebu budi hatuhu, bu kuihata kua luhehele.

MUKANDA WA MYIDI MUKULU

⁴ Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Muambi 4:4 교차 참조

Genese 26:14

wakadi ne bisumbu bia mikoko ne bia ngombe ne bantu ba bungi ku nyima kuandi. Bena Peleshete bakadi nʼandi mukau.

Genese 31:1

Yakoba wakunvua mei a bana ba balume ba Labana bamba ne, Yakoba wakakongolola bintu bionso bia tatu wetu wakadiangatshila bubanji buakadi bua tatu wetu.

Nsumuinu 27:4

Tshiji tshikole tshidi ne lukinu, tshiji tshidi bu mai adi ahasalala; kadi muntu kai udi mua kuimana ku mpala kua mukau?

Muambi 1:14

Nakatangila malu onso adi menjibue muinshi mua diba; monai, malu au onso adi hatuhu, adi bu kuihata kua luhehele.

Muambi 1:17

Nakuteka mutshima wanyi mu kukeba kua meji ne mu kujingulula kua buhote ne malu a tshianana; nakamanya ne bualu ehu kabidi budi bu kuihata kua luhehele.

Muambi 2:21

Bualu bua misangu mikuabo muntu udi wenza mudimu wandi wa lungenyi, wa meji ne mulengele tshishiki udi ushila muntu buhianyi budiye kayi mukuatshile mudimu. Bualu ebu budi bua hatuhu, budi butambe bubi.

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

Muambi 4:16

bungi buabo kabuakadi mua kubadibua ne yeye wakadi ha mutu ha buonso buabo. Kadi balonda ha nyima kabena mua kusanka bua bualu buandi. Bulelela, ebu mbualu bua hatuhu kabidi, bu kuihata kua luhehele.

Muambi 6:11

Hadi mei avulangana, kudisua kudi kuyisangana kabidi, ne bualu buimpe budi muntu uheta budi hanyi?

Muambi 6:9

Kumona ne mesu kudi kutamba kujinga buakane; ebu mbualu bua hatuhu, bu kuihata kua luhehele.

Matayi 27:18

Yeye wakamanya ne, Bobo bakumufila bualu bua mukau.

Bienzedi 7:9

Bankambua betu bakadi ne Yosefe mukau, bakamuhana mu Ejipitu; kadi Nzambi wakadi nʼandi,

Yakobe 4:5

Nudi nuela meshi ne, Mukanda wa Nzambi udi wamba hatuhu ne, Nyuma wakatutekeleye munda muetu udi ujinga tô ne ku mukau, anyi?

1 Yone 3:12

kembua kuikala bu Kana, wakadi wa mubi, wakashiha muanʼabo. Ne yeye wakamushihela tshinyi? Bualu bua midimu yandi yakadi mibi ne ya muanʼabo yakadi miakane.