Muambi 3:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ tshikondo tshia kudila ne tshikondo tshia kuseka; tshikondo tshia kuasa madilu ne tshikondo tshia kuja maja;

MUKANDA WA MYIDI MUKULU

⁴ Kudi tshikondu tshia kudila muadi, ne tshikondu tshia kuseka, tshikondu tshia kutua mikemu, ne tshikondu tshia kuja maja.

Muambi 3:4 교차 참조

Genese 21:6

Sala wakamba ne, Nzambi wakansekesha ne bantu bonso badi bunvua lumu elu nebaseke nʼanyi.

2 Samuele 6:16

Hakadibo halua ne mushete wa Yehowa mu musoko wa Davidi, Mikala, muana mukashi wa Shaula, wakimana ku disoso dia nsubu, wakatangila Davidi wenda utuhika, uja maja ku mpala kua Yehowa; yeye wakamulengulula mu mutshima wandi.

Misambu 30:11

Wewe wakungandamuina muadi wanyi bua kuluau kuja kua maja; wakusulula bilulu bianyi bikayabala, wakubinyula, wakunjingila ne mukaba wa disanka;

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Muambi 3:5

tshikondo tshia kuimasha mabue ne tshikondo tshia kusangisha mabue kabidi; tshikondo tshia kuelangana bituha ku nshingu ne tshikondo tshia kubenga kuelangana bituha;

Muambi 7:14

Mu dituku dia diakalengele usanke biebe; ne mu dituku dia dikenga, welangane meji; bulelela, Nzambi wakavuisha dituku dimue diakanangane ne dikuabo, bua muntu kajinguludi malu atshilualua.

Yeshaya 40:1

Sambai bienu, sambai bienu bantu banyi, Nzambi webe udi wamba nunku.

Yeshaya 40:2

Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

Matayi 11:17

Tuakunuelela nshiba, kanuena baje, tuakudila, kamina badikume mu biadi.

Matayi 9:15

Yesu wakabambila ne, Balunda ba mubaki wa mukashi badi bamanye mua kudila muadi hatshidi mubaki wa mukashi nʼabo, anyi? Kadi matuku nealue abanyengabo mubaki wa mukashi, nebajile bia kudia matuku au.

Luke 1:58

Bakuandi ne bena tshiota tshiandi bakunvua ne, Nzambi wakumuvudishila luse luandi: bakasanka nʼandi.

Rome 12:15

Nusanke ne badi basanka; nudile ne badi badila.

2 Korente 7:10

Bualu bua kanyinganyinga kadi Nzambi musue kadi kenzesha dikudimuna dia mutshima tô ne ku luhandu ludi kalui luvuisha dibungama; kadi kanyinganyinga ka ha buloba ebu kadi kavuisha lufu.

Yakobe 4:9

Nunyingalashe mitshima yenu, nujinge, nudile muadi; kuseka kuenu kuandamuke kanyinganyinga, ne disanka dienu diandamuke majie.