Muambi 3:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yeye wakafuka tshintu tshionso tshiakane mu tshikondo tshiatshi; wakuteka lungenyi mu mitshima ya bantu, kadi kabena bamanye mua kujingulula mudimu wa Nzambi wakenzeye ku tshibangidilu tshia buloba tô ne kunshikidilu kuabu.

MUKANDA WA MYIDI MUKULU

¹¹ Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Muambi 3:11 교차 참조

Genese 1:31

Nzambi wakamona bintu bionso biakenzeye ne biakadi bimpe be! Dilolo ne dinda biakadi dituku disambombo.

Yobe 11:7

Wewe udi mumanye mua kumona ndekelu wa ndondo wa malu a Nzambi, anyi? Neumanye mua kufika ku nshikidilu wa meji a Wa Bukole Buonso, anyi?

Yobe 37:23

Katuena bamanye mua kujingulula malu onso a Wa Bukole Buonso; yeye udi munene mu bukole buandi, ne bualu bua yeye udi ne buakane bukumbane bua bungi, kena ukengesha muntu tshianana.

Yobe 5:9

udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Nsumuinu 16:4

Yehowa wakafuka tshintu tshionso ne kafukila katshi; e, wakalongoluela muntu mubi dituku dia dikenga.

Muambi 1:13

Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Muambi 11:5

Bu mûdi kuyi mumanye mudi luhehele luheha, bu mûdi kuyi mumanye mudi mifuba idiunda munda mua mukashi udi ne difu, nunku kuena mumanye mudimu wa Nzambi udi wenza malu onso.

Muambi 7:13

Welangane meji a mudimu wa Nzambi; tshiakamaneye kukonyangasha, watshiludika nganyi?

Muambi 7:23

Nakateka malu au onso mu meji; nakamba ne, Nempete meji, kadi nakuahanga.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Muambi 8:17

nunku nakatangila midimu yonso ya Nzambi, nakamona ne, Muntu kena mumanye mua kujingulula midimu yonso idi mienjibue muinshi mua diba, nansha muntu munanukile bua kuyikeba, yeye kena usheta; bielangana muena lungenyi meji ne, Nakayimanya, yeye mene kena ne bukole bua kuyisangana.

Matayi 11:27

Tatu wanyi wakafila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Matayi 13:22

Yeye wakadi mumiamina mu mionshi ya meba udi unvua dî dia Nzambi, kadi meshi a malu a ha buloba ne mashimi a biuma bidi binyengela dî, yeye udi wikala kai ne maminu.

Marke 7:37

Bakatamba kukema ne, Wakenza malu onso bimpe, yeye wakunvuisha bakadi ne mahaha, wakakuisha bakadi tumama.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.