Muambi 12:3 - Mukanda wa Nzambi Dihungila Dikulukulu ne Dihungila Dihia-dihia 2003

³ mu matuku adi balami ba nsubu bazakala, bantu hakole nebiname ne bahedi ba manvua nebalekele mudimu bualu bua badi banya-banya; batangidi ba ha madidishi kabena bamona bimpe;

MUKANDA WA MYIDI MUKULU

³ Diba adi, maboku avua akuambuluisha neazakale. Mikolu iuvua wenda nayi neitekete. Menu neashale makese, kuyi mua kutshiakunya biakudia kabidi bimpe. Mesu ebe neikale bu mpofu.

Muambi 12:3 교차 참조

Genese 27:1

Dituku dikuabo hakadi Isaka muntu mununu ne mesu andi akadi bileshileshi, kakamanya mua kutangila bimpe, yeye Wakabikila Esau muanʼandi, muanʼa bute, wa kamuambila ne, Muan anyi Yeye wakitaba ne, Ndiku.

Genese 48:10

Mesu a Isalele akadi bileshileshi bualu bua bununu buandi, yeye kakamanya mua kumona bimpe Yeye wakalua nʼabo ha buihi nʼandi, yeye wakatuangana nʼabo mishiku, wakabuhukila.

Misambu 102:23

Wakutekesha bukole buanyi mu nshila mundi nyilamu; wakukehesha matuku anyi.

Misambu 35:14

Nakendakana ne majia bu munakadi mua kudila mulunda wanyi anyi muanʼetu; nakinama mutu wanyi bua kudila bu munakadi kuashila mamu wanyi muadi.

Misambu 38:6

Ndi ne nyima mukobame ne dikenga, ndi muhuekeshibue bikole; ndi ngendakana ndila dinda tô ne ku dilolo.

Zekâya 8:4

Yehowa wa misumba udi wamba ne, Bantu banunu, balume ne bakashi, nebashikame kabidi mu misesu ya mu Yelushalema, muntu ne muntu ne tshibangu tshiandi mu tshianza bualu bua bidimu biandi biakavulangana.

1 Samuele 3:2

Mu tshikondo atshi hakadi Eli mulale mu muaba wandi (mesu andi akavua bileshileshi, kakamanya mua kutangila bimpe);