Muambi 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Uvuluke Mufuki webe mu matuku a bunsongalume buebe, hadi matuku mabi kayi manze kulua anyi bidimu kabiyi bianze kufika ha buihi, haudi wamba ne, Tshiena nʼabi disanka;

MUKANDA WA MYIDI MUKULU

¹ Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Muambi 12:1 교차 참조

Genese 39:2

Yehowa wakadi ne Yosefe, wakamuendesha diakalengele, wakadi mu nsubu wa mukelenge wandi, Muena Ejipitu.

Genese 39:23

Mulami wa nsubu wa lukanu kakalama bintu biakadi mu bianza bia Yosefe, bualu bua Yehowa wakadi nʼandi, Yehowa wakamuendesha diakalengele mu malu onso akenzeye.

2 Samuele 19:35

Lelu eu bidimu bianyi bidi makumi muanda mukulu; ndi mumanye mua kujingulula ne bidi bimpe ne bidi bibi, anyi? Muntu webe udi mumanye mua kulabula bintu bidiye udia ne bidiye unua, anyi? Ntshidi kabidi mua kunvua mei a balume anyi bakashi himbabo misambu, anyi? Muntu webe udi ne bua kuikala bujitu kudi mukelenge wandi bua tshinyi?

2 Samuele 19:36

Muntu webe udi musue anu bua kusabuka Yadene ne mukelenge; mukelenge udi ne bua kunfuta difutu bunene nunku bualu kai?

1 Bakalenga 14:13

Bena Isalele bonso nebamujinge, nebamujike, bualu bua nebamujike anu yeye wa mu nsubu wa Yalobama, bualu bua yeye udi ne tshituha tshia malu adi asankisha Yehowa, Nzambi wa Isalele, munda muandi mu nsubu wa Yalobama.

1 Bakalenga 18:12

Hashishe hangumuka kûdi, Nyuma wa Yehowa neaye nʼebe kukuabo kundi tshiyi mumanye: nunku hanafika kudi Ahaba bua kumuambila ne yeye kena mumanye mua kukusangana, yeye neanshihe; kadi meme, muntu webe, nakatshina Yehowa katshia ku buana buanyi.

Nehemya 4:14

Nakatangila ne nakajuka, nakambila bantu banene ne bakokeshi ne bantu bakuabo ne, Kanubatshinyi, nuvuluke Mukelenge wenu munene, mukole, nuluangane bikole bualu bua bana benu ne bana benu ba balume ne bana benu ba bakashi baledibue ne bua bakashi benu ne nsubu yenu.

Yobe 30:2

Bukole bua bianza biabo budi mua kunkuatshisha munyi? Munda muabo muakufua bukole bua bunsongalume buabo.

Misambu 119:55

Ndi nvuluka diha diebe butuku, Yehowa, ndi ndonda mikenji yebe.

Misambu 34:11

Luai bienu, nuenu bana banyi ba balume, telejai matshu enu kundi; nennuyishe mudi ditshina dia Yehowa.

Misambu 63:6

handi nkuvuluka ha bulalu buanyi, handi ngelangana meji a bualu buebe mu mpola ya kutentekela butuku.

Misambu 90:10

Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.

Nsumuinu 22:6

Yisha muana mu nshila udiye ne bua kuendela; nunku hakoleye, kena umukamu.

Nsumuinu 8:17

Ndi munange badi bannanga, bonso badi bankeba ne lukunukunu nebansangane.

Muambi 11:10

Umushe kanyinganyinga mu mutshima webe ne malu mabi a mubidi webe; bualu bua bikondo bia buana ne bunsongalume bidi hatuhu.

Muambi 11:2

Uhe bantu muanda mutekete nansha muanda mukulu tshituha tshia bintu biebe, bualu bua wewe kuena mumanye bubi buamueneka ha buloha.

Muambi 11:8

Biashala muntu ne muoyo bidimu bia bungi, asankilemu; kadi avuluke biandi kabidi matuku a mîdima, bualu bua neikale a bungi. Malu onso alualua adi hatuhu.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Muadi 3:27

Bidi bimpe bua muntu ambule biandi mutshi wa tshikokedi mu bunsongalume buandi.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Osheya 7:9

Bantu ba bende badi badia bukole buabo, ne bobo kabena bamanye bualu ebu; nsuki mitoke tô idi ku mitu yabo, ne bobo kabena bamanye muanda eu.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Luke 18:16

Kadi Yesu wakababikila wakamba ne, Nuitabushe bua bana bakese kulua kundi, kanubakandi; bualu bua bukelenge bua Nzambi mbua badi bu bana.

Efeze 6:4

Ne nuenu batatu, kanufuishi bana benu balela tshishi; nubadiundishe bimpe ne dihela ne didimusha bia Mukelenge.

Dielulula 8:18

Kadi nuvuiuke Yehowa, Nzambi wenu, bua yeye utu wanuha bukole bua kuangata nʼabu biuma; bua yeye akashe nʼenu tshihungidi tshiandi tshiakahungeye ne batatu benu: bu bualu buakuenjibua lelu.

2 Timote 3:15

ku buana buebe wewe wakamanya Mukanda wa Nzambi, udi mumanye mua kukuvuisha muena meshi tô ne ku luhandu luakulua bua ditabusha dia mu Kilisto Yesu.

1 Samuele 1:28

nunku nakumuhingisha kudi Yehowa; nakumufila kudi Yehowa matuku onso adiye ne muoyo. Yeye wakatendelelaku Yehowa.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.

1 Samuele 2:18

Samuele wakenzela Yehowa mudimu; hakatshidiye muana, wakadi uluata efoda wa lin.

1 Samuele 2:26

Muana eu Samuele wakadiunda, wakaleha mu diakalengele kudi Yehowa ne kudi bantu kabidi.