Muambi 11:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Biashala muntu ne muoyo bidimu bia bungi, asankilemu; kadi avuluke biandi kabidi matuku a mîdima, bualu bua neikale a bungi. Malu onso alualua adi hatuhu.

MUKANDA WA MYIDI MUKULU

⁸ Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Muambi 11:8 교차 참조

Yobe 10:21

diambedi tshiyi muanji kuya kundi tshiyi mua kuhingana kabidi, ku buloba bua mîdima ne bua mundidimbi wa lufu.

Yobe 10:22

Budi buloba budi ne mufitu bu midima mikole, bua mundidimbi wa lufu ne bua kutompakasha kua malu, kudi munya bu midima mikole.

Yobe 14:10

Kadi muntu udi ufua ne bukole buandi budi bujimina; e, muntu udi uhuola muoyo wandi, hashishe, udi kudi kunyi?

Yobe 14:12

nunku muntu udi ulala hanshi kena ubika kabidi; tô ne hajimina diulu kabena batabala, kabena ba bahisha ku tulu tuabo.

Yobe 15:23

Udi wendakana ukeba bia kudia, ukonka ne, Bidi kudi kunyi? Udi mumanye ne dituku dia midima didi dimuindila.

Yobe 18:18

Nebamuihate mu munya bua kuyeye mu mîdima, nebamuihate ha buloba.

Misambu 49:20

Muntu udi ne butumbi, kadi kena ujingulula, udi bu nyama idi ijimina.

Muambi 11:2

Uhe bantu muanda mutekete nansha muanda mukulu tshituha tshia bintu biebe, bualu bua wewe kuena mumanye bubi buamueneka ha buloha.

Muambi 2:15

Hashishe, nakamba mu mutshima wanyi ne, Bualu budi bukuata muhote nebunkuate kabidi; tshindi muvudishile meji ntshinyi? Nakamba mu mutshima wanyi ne, Bualu ebu budi hatuhu kabidi.

Muambi 2:17

Nunku nakakina muoyo, bualu bua mudimu udi muenjibue muinshi mua diba wakannyingalasha. Bualu bua malu onso adi hatuhu bu kuihata kua luhehele.

Muambi 2:19

Udi mumanye ne, Yeye neikale muena meji anyi muhote nganyi? Kadi yeye neakokeshe midimu yanyi yonso inakenza ne yakalesha bantu lungenyi lunakadi nʼalu muinshi mua diba. Ebu mbualu bua batuhu kabidi.

Muambi 2:26

Nzambi udi uha muntu udi umusankisha meji, lungenyi ne disanka; kadi udi uha muntu mubi lutatu lua kukunguisha bintu bia kuhesha mukuabo udi usankisha Nzambi. Bualu ebu mbua hatuhu kabidi ne bu kuihata kua luhehele.

Muambi 4:16

bungi buabo kabuakadi mua kubadibua ne yeye wakadi ha mutu ha buonso buabo. Kadi balonda ha nyima kabena mua kusanka bua bualu buandi. Bulelela, ebu mbualu bua hatuhu kabidi, bu kuihata kua luhehele.

Muambi 4:8

mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Muambi 6:11

Hadi mei avulangana, kudisua kudi kuyisangana kabidi, ne bualu buimpe budi muntu uheta budi hanyi?

Muambi 6:6

bulelela, nansha yeye mushale ne muoyo bidimu tshinunu misangu ibidi, kadi kayi ne disanka, kena uya kuyaya bonso, anyi?

Muambi 7:14

Mu dituku dia diakalengele usanke biebe; ne mu dituku dia dikenga, welangane meji; bulelela, Nzambi wakavuisha dituku dimue diakanangane ne dikuabo, bua muntu kajinguludi malu atshilualua.

Muambi 8:12

Nansha muntu muenze malu mabi misangu lukama, nansha mushale ne muoyo musangu mule, bulelela, ndi mumanye ne, Badi batshina Nzambi nebahete diakalengele ku mesu kuandi, bua badi bamunemeka;

Muambi 8:15

Hashishe, nakanyisha disanka, bualu bua muntu kena ne bualu buimpe bukuabo muinshi mua diba budi butamba kudia, kunua ne kusanka: bualu bua mu malu a mudimu wandi, â ke adi ashala kudiye matuku a muoyo wandi adi Nzambi mumuhe muinshi mua diba.

Muambi 9:7

Ya biebe, udie bidia biebe ne disanka; unue nvinyo yebe ne mutshima wa disanka; bualu bua Nzambi wakumana kuitabusha midimu yebe.

Yirmeya 13:16

Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Matayi 22:13

Mukelenge wakambila bantu bandi ne, Numusuike ku bianza ne ku makasa, numuimashe ha bula mu midima. Muadi newikalemu ne kusumakana menu.

Yowanane 12:35

Yesu wakabambila ne, Nenuikale ne munya munkatshi muenu anu tshituha tshihi. Endakanai hanutshidi ne munya, butuku kabunuididi; wendakana mu mîdima kena mumanye kudiye uya.

Dielulula 32:29

Bu bobo bikale ne lungenyi, bakadi kujingulula bualu ebu, bakadi kuela meji a malu atua kudibo.

Yuda 1:18

ne bakanuambila ne, Mu tshikondo tshia kunshikidilu bena tuseku nebikaleku, benda bu mudi nkuka yabo idi ibenga Nzambi.