Muambi 10:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Udi umbula dijimba neadishindemu; udi uluhula disoso mu tshimanu, nyoka neumusume.

MUKANDA WA MYIDI MUKULU

⁸ Muntu udi mumbule dijimba udi mua kuponamu, udi ubumbula tshimana badi mua kumusuma kudi nyoka.

Muambi 10:8 교차 참조

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Samuele 18:15

Bansongalume dikumi bakadi batuala bintu bia nvita bia Yoaba, bakela Abashaloma munkatshi, bakamuasa, bakamushiha.

Estere 7:10

Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.

Misambu 57:6

Bakuandila biendedi bianyi bukuondo; muoyo wanyi wakuinamishibua hanshi. Bakunguisha dijimba ku mpala kuanyi, bobo bine bakahona munda muadi.

Nsumuinu 11:6

Buakane bua bantu bakane budi bu babandisha, kudi bedi ba tshitungu badi bakuatshibua ku lukuka luabo mene.

Nsumuinu 26:27

Udi wumbula dijimba neahonemu; dibue didi muntu ubungulusha nedihingane hamʼbidi handi.

Muambi 10:9

Udi uhanda mabue, wowo neamukengeshe; udi uhanda nkunyi neyimuheteshe njiu.

Amosa 5:19

Didi bu muntu munyeme nyama wa ntambue ne udi usambakena ne nyama wa nkashama! Anyi didi bu muntu mubuele mu nsubu muandi, muteke tshianza tshiandi ku tshimanu tshia nsubu, ne nyoka udi umusuma!

Amosa 9:3

Nansha biabutamabo ku mutu kua Kâmele, nembakebeku ne nembakuate bua kubumushaku; nansha biasokomabo ku mesu kuanyi mu ndondo wa mai manene, nengele nyoka dî mu muaba wawa bua yeye abasume.

Balombodi 9:5

Wakaya ku nsubu wa tatu wandi wa ku Ofela, wakashiha bana babo bonso, bana ba Yelubâla, makumi muanda mutekete, ha dibue dimue. Kadi Yotama, muanʼa mukala wa Yelubâla, wakashala, bualu bua yeye wakasokoma.