Muambi 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nakamba mu mutshima wanyi ne, Nakuheta lungenyi lua bungi, muhite bonso bakadi ku mpala kuanyi mu Yelushalema; bulelela, mutshima wanyi wakajingulula meji a bungi ne lungenyi lua bungi.

MUKANDA WA MYIDI MUKULU

¹⁶ Mvua muele meji ne: ndi mupete meji a bungi mupite bonsu bavua bandianjidila mu bukalenga mu Yerushalayime. Ndi mumanye malu a bungi, nansha amvua mulonge, nansha amvua mumvue ne anyi abidi.

Muambi 1:16 교차 참조

1 Bakalenga 10:7

Kadi tshiakuitabusha mei tô ne hanakulua bua kudimuenena ku mesu: hakangambila anu tshituha tshia mei; lungenyi luebe ne bubanji buebe bidi bihita lumu lunakunvua bunene.

1 Bakalenga 4:30

Lungenyi lua Solomo luakahita lungenyi lua bantu bonso ba ku esete ne lungenyi luonso lua Bena Ejipitu.

1 Bakalenga 5:9

Bantu banyi nebahueke nʼai ku Lebanona tô ne ku mai manene, nenyisuikishe mu bisumbu, bua kuya nʼai ha mai manene tô ne ku muaba ûdi unsunguila; neyisuludibueku ne wewe neuyangate; wewe nenshikishe bualu bundi musue hawadisha ba mu nsubu wanyi bia kudia.

2 Bakalenga 5:20

Kadi Gehazi, muena mudimu wa Elisha, muntu wa Nzambi, wakamba ne, Mukelenge wanyi wakafuka Nâmana, Muena Sulia, luse, hakabengeye kuangata bintu biakalueye nʼabi; bu mudi Yehowa ne muoyo, nemmulonde, nengangate bintu kudiye.

2 Kulondolola 2:12

Hulama wakamba kabidi ne, Yehowa, Nzambi wa Isalele, ikale ne disanka; yeye nguakafuka diulu ne buloba, wakaha Davidi muana wa lungenyi udi ne meji makane ne mutshima muimpe bua kuibakileye dina dia Yehowa nsubu ne bukelenge buandi nsubu.

Misambu 4:4

Nuikale ne tshiji, kanuenji malu mabi; nuelangane meji a bualu ebu mu mitshima yenu hanuikala ha malulu enu, ne huwai.

Misambu 77:6

Ndi nvuluka musambu unakimba butuku; ndi ngelangana meji mu mutshima wanyi muine; ne nyuma wanyi udi unanukila kukeba mua kujingulula malu.

Muambi 2:1

Nakambila mutshima wanyi ne, Tuye bietu, nenkutete ne masanka; nunku usanke biebe. Monai, buakadi hatuhu kabidi.

Muambi 2:15

Hashishe, nakamba mu mutshima wanyi ne, Bualu budi bukuata muhote nebunkuate kabidi; tshindi muvudishile meji ntshinyi? Nakamba mu mutshima wanyi ne, Bualu ebu budi hatuhu kabidi.

Muambi 2:9

Nakalota lumu lunene; bintu bianyi biakavulangana, biakahita bia bonso bakadi ku mpala kuanyi mu Yelushalema; nakatshidi anu ne meji anyi.

Muambi 3:17

Nakamba mu mutshima wanyi ne, Nzambi nealumbuluishe bantu bakane ne bantu babi; bualu bua malu onso ne midimu yonso bidi ne tshikondo tshiabi.

Yirmeya 22:14

udi wamba ne, Nendiashile nsubu munene udi ne nsubu mikuabo minene munda, udi utekamu madidishi a bungi; udi uteka mabaya a cèdre ku bisasa, udi ulabahu mukubu mukunzekunvû.

Danyele 4:30

Mukelenge wakamba ne, Eu Babulona mimene, tshiakuibaka musoko eu bu muaba wa mukelenge kushikameye ku bukole buanyi bunene bua mpete butumbi ne buneme, anyi?

Ebrewu 5:14

Bia kudia bikole bidi bua bantu bakole, bia bobo mene badi ne meshi abo mibidila a kujingulula nʼau tshidi tshimpe ne tshidi tshibi, bualu bua bakalonda malu makane.