Muadi 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakokeshi bandi bakadi ne mitshima mihite neige butoke, yakahita mabele kutoka; mibidi yabo yakadi ne lukunjilakunjila luhite dibue dia corail kukunza; dinkenke diai diakadi bu dia dibue dia saphir.

MUKANDA WA MYIDI MUKULU

⁷ Bana ba bamfumu bavua bakenka, bapite neje, bavua bapite mabele ku butoke. Mibidi yabu ivua mimpe, mikunzubile mipite mabue a koraye. Mijilu ya mu mibidi yabu ivua mifikuluke, bu dibue dia safire dia mushinga mukole.

Muadi 4:7 교차 참조

Yobe 28:16

Kabena bamanye mua kuelekesha mushinga wau ne wa or wa ku Ofî, anyi wa mabue a onyx a mushinga mukole, anyi wa dibue dia saphir.

Yobe 28:18

Katuena mua kutela mena a mabue a corail ne a cristal diatshimue nʼau. Diheta dia meji didi ditamba dia mabue a perles mushinga mukole.

Misambu 144:12

Bana betu ba balume bikale bakole mu bunsongalume buabo bu mitshi yakumana kudiunda. Bana betu ba bakashi bikale bu makunshi a ku matumba a nsubu masonga bu mabue adibo basa nʼau nsubu wa mukelenge

Misambu 51:7

Untokeshe ne hysope, nengikale mutoke; unguvuwe, nempite neige butoke tô.

Ekesode 24:10

Bakamona Nzambi wa Isalele, muinshi mua makasa andi muakadi mabue a saphir, akadi matoke tô bu mubidi wa diulu.

Musambu wa Solomo 5:10

Wanyi munanga udi mutoke ne mpala wandi udi lunkunjilakunjila; yeye udi muneme munkatshi mua bantu binunu dikumi.

Musambu wa Solomo 5:15

Mikolo yandi idi bu makunshi a mabue masonga mujadike mu or; tshinfuanyi tshiandi tshidi bu Lebanona tshilengele bu mitshi ya cèdres.

Danyele 1:15

Hakashika matuku au dikumi, mpala yabo yakamueneka mihite bulengele, ne mibidi yabo yakasenena mihite ya bansongalume aba bonso bakadi badia bia kudia bishema bia mukelenge.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Balombodi 13:5

mona, wewe newimite difu, neulele muana wa balume; dihaya kadibeyi ku mutu kuandi; bualu bua muana eu neikale Munazi kudi Nzambi ku difu dia mamu wandi; yeye neabange kusungila Bena Isalele mu bianza bia Bena Peleshete.

Balombodi 13:7

kadi yeye wakungambila ne, Mona, wewe newimite difu, neulele muana wa balume; nunku kunu nvinyo anyi maluvu makole, kudi tshintu tshidi katshiyi tshimpe; bualu bua muana eu neikale Munazi kudi Nzambi ku difu diebe, tô ne ku dituku dia lufu luandi.

Balombodi 16:17

Yeye wakamusokoluela malu onso akadi mu mutshima wandi, wakamuambila ne, Dihaya kadiena dianze kubeya ha mutu hanyi, bualu bua nakumana kuikala Munazi kudi Nzambi katshia ku difu dia mamu wanyi; biambeyabo, bukole buanyi nebumuke kundi, nentekete, nengikale bu muntu mukuabo.

1 Samuele 16:12

Yeye wakatuma di, bakalua nʼandi. Yeye wakadi ne mpala lukunjila-kunjila, wakadi ne mesu mimpe, wakadi muakane kumona. Yehowa wakamba ne, Bika, umuele manyi ha mutu, eu nyeye mene.