Muadi 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yelushalema wakenzela Nzambi bibi, nunku wakalua bu tshintu tshidi ne manyanu; bonso bakadi bamutumbisha diambedi hadi bamuhetula mpindiu, bualu bua badi bamone butaka buandi; e, yeye udi utua mikemu, udi ukoma nyima wandi.

MUKANDA WA MYIDI MUKULU

⁸ Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Muadi 1:8 교차 참조

Genese 3:7

Mesu a bubidi buabo akabuluka, bakamanya ne, Tudi butaka, bakatela mabeshi a nfigi, bakadienzela mbondia.

1 Bakalenga 9:6

Kadi binuabenga kundonda, nansha wewe nansha bana bebe, kanuyi nutumikila mikenji yanyi ne mei anyi binakuteka ku mpala kuenu; binuaya kukuatshila nzambi mikuabo mudimu ne bua kuyitendelela;

1 Bakalenga 9:7

nengumushe Bena Isalele mu buloba ebu bunakabaha; nengimashe nsubu eu unakajidila dina dianyi ku mesu kuanyi, ne Bena Isalele nebikale bu lusumuinu ne bu tshihendu munkatshi mua bantu bonso.

1 Bakalenga 9:9

Hashishe, nebakudimunangane dî kabidi ne, Bualu bua bobo bakalekela Yehowa, Nzambi wabo, nguakafuma ne bankambua babo mu Ejipitu, bakakuata nzambi mikuabo, bakayitendelela, bakayikuatshila mudimu, ka Yehowa wakatuma dikenga edi dionso kudibo.

Yeshaya 47:3

Butaka buebe nebusokoloke, e, bundu buebe nebumueneke ku mesu kua bantu. Nendisombuele, ne tshiena ndengesha ne muntu.

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yirmeya 13:26

Nunku nenkuvule bilulu ku mesu kuebe, bundu buebe nebumueneke.

Yirmeya 15:4

Nembatangadishe eku ne eku munkatshi mua makelenge a ha buloba bualu bua malu a Manashe, muana wa Hezikiya, mukelenge wa Yuda, akenzeye mu Yelushalema.

Yirmeya 24:9

Nembafile bua kuikalabo bintu bia kukuatshisha bakuabo buowa munkatshi mua makelenge onso a ha buloba, bua kudivuishilabo tshihendu ne lusumuinu lubi, bu tshintu tshidibo baseka ne bela mulau, mu miaba yonso indualua kubihata.

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.

Yirmeya 34:17

Nunku Yehowa udi wamba ne, Kanuakutumikila dî dianyi bua kumanyishangana dî dia budishikaminyi, muntu yonso kudi muanʼabo, ne muntu yonso kudi muena mutumba nʼandi. Monai, ndi nnumanyisha dî dia budishikaminyi, bua nuenu kufua ku muele wa nvita, ku tshihuhu ne ku tshiole; nennuvuishe bu tshintu tshidi tshikuatshisha makelenge onso ha buloba buowa.

Yirmeya 4:31

Bualu bua nakunvua dî bu dia mukashi udi mukuatshike ne didinyenga dia kulela, kanyinganyinga kandi bu ka mukashi udi wamba kulela muanʼandi wa diambedi. Didi bu muadi wa muana mukashi wa Siona, udi uhuyakana, udi wolola bianza biandi ne, Mulau wakunkuata! Bualu bua mutshima wanyi udi muhungile ku mpala kua banshihi banyi.

Yirmeya 6:28

Buonso buabo badi bahita kutomboka, badi bendakana ne mei a bunsonge; badi bu tshiamu tshia mitaku ne tshiamu tshifike; buonso buabo badi benzelangana bibi.

Muadi 1:11

Bantu bandi bonso badi hatua mikemu mu dikeba diabo dia bia kudia; bakushintakasha bintu biabo bia mushinga mukole ku bia kudia bia kukankamasha mioyo yabo. Wewe Yehowa, umone, umone bu munakuhetudibua!

Muadi 1:17

Siona udi wolola bianza biandi ne kakuena mumusambi; Yehowa wakuela mukenji bualu bua Yakoba ne, Badi bamunyunguluka bikale bamukengeshi. Yelushalema wakulua bu tshintu tshinyanguke munkatshi muabo.

Muadi 2:10

Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Muadi 4:21

Wewe muana mukashi wa Edome, udi mushikame mu buloba bua Uza, anji kusanka, wikale ne disanka mu mutshima. Luhanza nelufike kûdi kabidi; neukuatshike maluvu, neuvule bilamba biebe bionso.

Yezekiyele 23:29

Bobo nebakuenzele malu mu lukinu luabo, nebakunyenge bintu bionso biwakuheta ku mudimu webe, nebakushiye butaka kuyi ne bivualu. Nebakufuishe bundu bua masandi ebe, malu ebe a tshikama ne a masandi mene.

Yezekiyele 23:46

Bualu bua Mukelenge Yehowa udi wamba ne, Nendue ne tshisumbu tshia bantu bua kubaluisha, nembafile kudibo bua kubakuatshisha buowa ne bua kunyengabo bintu biabo.

Yezekiyele 39:23

Ba mu bisamba bia bantu nebamanye ne, Bena Isalele bakabuela mu buhika bualu bua bubi buabo; bualu bua bakantombokela, nakabasokoka mpala wanyi, nakabafila mu bianza bia bena lukuna babo ne buonso buabo bakashihibua ku muele wa nvita.

Osheya 2:10

Mpindiu nensokolole bundu buandi kudi bamunangi, kakuena muntu wamuhandisha mu tshianza tshianyi.

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.