Muadi 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

MUKANDA WA MYIDI MUKULU

¹⁶ Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 1:16 교차 참조

Misambu 106:42

Bena lukuna babo kabidi bakabakengesha, ne bakinamishibua muinshi mua bukole buabo.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Misambu 69:20

Bihendu biakutamba kubanda mutshima wanyi, dinyingalala diakuntonda. Nakatekemena ne, Muntu neanfuile luse, kadi kakadiku; nakatekemena ne, Basambi nebamueneke, kadi tshiakasangana nansha umue.

Muambi 4:1

Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Yeshaya 54:11

Yehowa udi wamba ne, Wewe udibo bakengesha, udibo basumpakasha ne tshihehele, udi kuyi musambibue, mona, nenteke mabue ebe munkatshi mua mabue a antimoine, nenshimike bishimikidi biebe ne mabue a saphir.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 15:5

Yelushalema, nganyi wakuluila luse, nganyi wakuashila muadi? Nganyi wimana mu nshila bua kukuela muoyo?

Yirmeya 8:18

Nakadi kusua kuikala ne bukole bua kudisamba nʼabu mu kanyinganyinga kanyi; mutshima wanyi udi musame munda muanyi.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 9:21

Bualu bua lufu luakubanda, luakubuela mu madidishi etu, luakubuela mu nsubu ya bakelenge betu bua kushihalu bana betu bakese ne kubumusha mu misesu ne bansongalume betu ku miaba idi bantu bunguila.

Muadi 1:2

Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

Muadi 1:9

Bukoya buandi buakadi ku bilulu biandi; kakela meji a kunfudilu kuandi; nunku wakuhueka bikole, kena ne musambi. Wewe Yehowa, mona dikenga dianyi; bualu bua muena lukuna wakuntshimuna!

Muadi 2:11

Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Muadi 2:18

Mitshima yabo yakadila kudi Mukelenge, wewe lumbu lua muana mukashi wa Siona, binsonshi bihueke ku mesu bu musulu munya ne butuku; kudikandi nansha; mesu ebe kalekedi kuhatula binsonshi.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!