Misambu 98:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuelele Yehowa mbila ya disanka, nuenu bonso ba ha buloba; bandishai mei enu mu kuimba kua misambu bua disanka dienu; e, nuimbe misambu ya kumutumbisha nʼai.

MUKANDA WA MYIDI MUKULU

⁴ Nuenu bantu ba pa buloba bujima, elelayi Maweja-Nangila tunkunduluila, nuele mbila ya disanka, numuimbile misambu.

Misambu 98:4 교차 참조

Misambu 100:1

Nuelele Yehowa mbila ya disanka, nuenu bonso ba ha buloba!

Misambu 66:1

Nuenu bonso ba ha buloba, nuelele Nzambi mbila ya disanka.

Misambu 66:4

Ba ha buloba bonso nebakutendelele; nebakuimbile misambu ya kukutumbisha nʼai; nebimbile dina diebe misambu.

Misambu 67:4

Ba mu bisamba bia bantu bikale ne disanka, bimbe biabo misambu bua disanka diabo, bualu bua wewe udi ulumbuluisha bantu ne kulumbulula kuakane, udi ulombola bisamba bia bantu ha buloba.

Misambu 71:22

Nenkutumbishe kabidi ne lunzenze, nentumbishe lulamatu luebe lua bushuwa, Nzambi wanyi; nenkuimbile misambu ya kukutumbisha nʼai ne lunkombe, wewe wa Tshijila wa Isalele.

Misambu 95:1

Luai bienu, tuimbile Yehowa musambu; tuelele dibue dia luhandu luetu mbila ya disanka!

Misambu 95:2

Tuye ku mpala kuandi ne disakidila, tumusankidile ne dî dikole ne misambu ya disanka.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 42:11

Tshihela tshisanke, ne misoko idimu, misoko mene idi Bena Kedâ bashikamemu; badi bashikame mu Sela bimbe biabo, bele biabo mbila ha mutu ha mikuna.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Yirmeya 33:11

nebunvue kabidi dî dia kunaya ne dia disanka, dî dia mubaki wa mukashi ne dia mukashi mubaka, dî dia bantu badi bamba mei abo, haluabo ne milambu ya kusakidila nʼai Yehowa mu nsubu muandi ne, Sakidilai Yehowa wa misumba, bualu bua Yehowa udi muimpe, bua luse luandi ludi lujalame tshiendelele. Yehowa udi wamba ne, Bualu bua nenkudimune buhika bua mu buloba ebu bua kuhingasha diakalengele diakadibu nʼadi diambedi.

Sefanya 3:14

Imba biebe, wewe muana mukashi wa Siona; Bena Isalele, elai mbila; ikale ne disanka, sankaku bikole ne mutshima webe wonso, wewe muana mukashi wa mu Yelushalema!

Matayi 21:9

Bisumbu bia bantu bakadi baya ku mpala kuandi ne bakadi bamulonda ku nyima bakela mbila ne, Hosana ikale kudi muana wa Davidi; udi ulua mu dina dia Mukelenge atumbishibue; Hosana mu diulu.

Didimanyisha 19:1

Ku nyima kua malu â nakunvua dî bu dî dikole dia tshisumbu tshinene tshia ba mu diulu bamba ne, Aleluya; Luhandu, ne butumbi ne bukole, mbia Nzambi wetu;

Didimanyisha 19:6

Nakwmia dî bu dî dia tshisumbu tshinene tshia bantu, ne bu dî dia mai a bungi ne bu dî dia mikungulu mikole diamba ne, Aleluya, bualu bua Mukelenge Nzambi wetu, wa Bukole Buonso, udi ukokesha.