Misambu 93:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa mu muaba wandi wa kulu udi mukole, muhite biandi tshiona tshia kukungula kua mai mangi bukole, muhite mambuanka makole a mu mai manene.

MUKANDA WA MYIDI MUKULU

⁴ Maweja-Nangila, mulu muudi, udi mupite tshiona tshia mavuala, ne tshia mambuanki a mayi ku bukole.

Misambu 93:4 교차 참조

Yobe 38:11

ne hanakamba bianyi ne, Nuemanye mua kufika aku, kadi kuhitshi nansha; ne kunu mene nebalekeshe kudibandisha kua mavuala ebe?

Misambu 29:4

Dî dia Yehowa didi dî dikole, dî dia Yehowa didi diule tente ne butumbi.

Misambu 65:7

Udi ukolesha tshiono tshia mai manene, ne tshiono tshia mavuala au, ne mutoyi wa bantu.

Misambu 89:6

Nganyi udi mu diulu udi mua kuelekeshibua ne Yehowa? Nganyi munkatshi mua bana halume ba bakole ba mu diulu udi mua kufuanangana ne Yehowa,

Misambu 89:9

Udi ukokesha kutuntumuka kua mai manene; habanda mavuala au, wewe udi wabutamisha.

Misambu 92:8

Kadi wewe, Yehowa, udi mushikame mu muaba udi kulu kashidi.

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.