Misambu 91:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

MUKANDA WA MYIDI MUKULU

¹ Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Misambu 91:1 교차 참조

Misambu 121:5

Yehowa udi mulami webe; Yehowa udi dileshi diebe ku tshianza tshiebe tshia balume.

Misambu 17:8

Undame bu kamonyi ka disu diebe; unsokoke muinshi mua mundidimbi wa mahuahua ebe,

Misambu 25:13

Muoyo wandi muine newikale ne diakalengele, ne tunkanunuina tuandi netuhiane buloba.

Misambu 27:5

Bualu bua halua dituku dia diakabi, yeye neansokoke mu tshisokomenu tshiandi; yeye neansokoke munda mua nsubu wandi wa ntenta, neambandishe, neanshikike ha mutu ha dibue.

Misambu 31:20

Wewe udi ubasokoka mu tshisokomenu tshiebe ku bifufu bidi bantu babelela. Udi ubalama mu musokoko mu tshitandatanda ku matandu adi ahatuka ku ndimi yabo.

Misambu 32:7

Wewe udi tshisokomenu tshianyi; neundame bua tshikadi ne dikenga; neunnyunguluke ne misambu ya luhandu.

Misambu 36:7

Nzambi, ke mudi luse luebe lujalame luikale lua mushinga mukole! Bana ba bantu badi banyemena muinshi mua mundidimbi wa mahuahua ebe.

Misambu 52:8

Kadi meme hanyi ndi bu mutshi wa olive utshidi usampila mu nsubu wa Nzambi. Ndi ngeyemena luse lua Nzambi tô ne tshiendelele.

Misambu 57:1

Unfuile luse, Nzambi, unfuile luse, bualu bua muoyo wanyi udi unyemena kûdi. Bulelela, nennyemene mu mundidimbi wa mahuahua ebe bua kushalaki tô ne hahita dikenga dia kabutu.

Misambu 90:1

Mukelenge, wewe udi muikale muaba wa tuetu kushikamamu mu bikondo bionso.

Musambu wa Solomo 2:3

Bu mudi mutshi wa mamuma a pommes munkatshi mua mitshi ya ditu, wanyi munanga udi nunku munkatshi mua bana ba balume. Nakashikama hanshi mu mundidimbi wandi ne disanka dinene, mamuma andi akadi mashemakane mukana muanyi.

Yeshaya 25:4

Bualu bua wewe wakadi bu musoko wa ngumbu kudi bahele, bu muaba mukole kudi mukengi mu dikenga diandi, bu tshinyemenu tshia kunyemenamu tshikondo tshia tshihuhu, bu dileshi mu diba dia munya mukole, hikala muhuya wa bena tshinyangu babi bu dikuma dia tshihuhu ku tshimanu,

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Yeshaya 8:14

Yeye nealue muaba wa tshijila, ne dibue dia kukumaku dikasa, ne mutunda wa dibue wa kubalenduisha kudi ba mu nseke ibidi ya Isalele; neikale bukuondo ne buteyi kudi badi bashikame mu Yelushalema.

Muadi 4:20

Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Yezekiyele 11:16

Nunku amba biebe ne, Yehowa udi wamba ne, Nansha bingikala mubatume kule munkatshi mua bisamba bia bantu, nansha bingikala mubamuangalashe munkatshi mua maloba makuabo, nakadi kudibo bu tshitendelelu tshidi katshiyi tshianze kukumbana munkatshi mua maloba akayabo;

Balombodi 9:15

Mutshi wa meba wakambila mitshi yonso ne, Binuasua kungela manyi ha mutu bua meme kuikala mukelenge ku mutu kuenu bulelela, hashishe nulue nushikame mu diledi dianyi, kadi binuahidia, kahia kahatuke ku mutshi wa meba bua kuosha mitshi ya cédres ya mu Lebanona.