Misambu 90:2 - Mukanda wa Nzambi Dihungila Dikulukulu ne Dihungila Dihia-dihia 2003

² Diambedi mikuna kayiyi mianze kumueneka, diambedi wewe kuyi muanze kufuka buloba ne bifukibua, ku tshibangidilu tô ne kunshikidilu wewe udi Nzambi.

MUKANDA WA MYIDI MUKULU

² Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Misambu 90:2 교차 참조

Genese 1:1

Kale ku tshibangidilu Nzambi wakafuka diulu ne buloba.

Yobe 15:7

Wewe mene wakadi muntu wa kumudilu wakalelabo, anyi? Bakakulela diambedi mikuna kayiyi mianze kufukibua, anyi?

Yobe 36:26

Mona, Nzambi udi munene, ne katuena bamumanye nansha; bungi bua bidimu biandi kabuena mua kumanyibua.

Misambu 102:13

Wewe neujuke, nenfuile musoko wa Siona luse; bua tshikondo tshiakufika tshia kuwanyisha; e, tshikondo tshiwakuamba tshiakufika.

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Misambu 146:6

wakafuka diulu ne buloba, mai manene ne bintu bionso bidimu, udi ulama bushuwa buandi tô ne tshiendelele.

Misambu 33:9

Bualu bua yeye wakamba dî diandi, ne buloba buakadiku; wakela mukenji, buakajalama.

Misambu 93:2

Nkuasa webe wa butumbi udi mujadikibue katshia ku kale tô ne lelu; wewe udiku ku tshibangidilu tô ne kunshikidilu.

Ekesode 8:6

Alona wakolola tshianza tshiandi ku mutu kua mai a mu Ejipitu, biula biakabaha, biakûsha buloba bua Ejipitu tente.

Yeshaya 44:6

Yehowa, Mukelenge wa Isalele, Muhikudi wandi, Yehowa wa misumba, udi wamba ne, Ndi wa kumudilu, ndi wa kunshikidilu; kakuena nzambi mukuabo, anu meme nkayanyi.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Danyele 7:9

Hanakadi ntangila, bakateka nkuasa ya bukelenge. Wa Kale wa Matuku a Bungi wakashikamahu. Bivualu biandi biakadi bitoke tô bu neige, ne nsuki ya ku mutu wandi yakadi bu miosa ya mikoko. Nkuasa wandi wa bukelenge wakadi bu ludimi lunene lua kahia, nkata ya ku nkuasa wandi yakadi kahia kakole.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Ebrewu 13:8

Yesu Kilisto udi muomumue makelela ne lelu ne tshiendelele.

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.