Misambu 90:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mudimu webe umueneke kudi bantu bebe, butumbi buebe kudi bana babo baledibue.

MUKANDA WA MYIDI MUKULU

¹⁶ Tumone mudimu webe, ndelanganyi yetu imone bunene buebe!

Misambu 90:16 교차 참조

Misambu 44:1

Nzambi, tuakunvua ku matshu etu, batatu betu bakuambila, bua malu awakenza mu matuku abo, mu matuku akahita kale.

Misambu 77:12

Nengelangane meji a mudimu webe wonso, nengelangane meji munda muanyi a bienzedi biebe.

Misambu 92:4

Bualu bua wewe, Yehowa, wakunsankisha bua bienzedi biebe; bua midimu ya ku bianza biebe nengimbe misambu ya disanka.

Abakuke 3:2

Yehowa, nakunvua lumu luebe, ndi ntshina. Yehowa, sangulusha mudimu webe munkatshi mua bidimu ebi, munkatshi mua bidimu ebi ûmanyishe kudi bantu; mu njiya yebe uvuluke luse.

Dielulula 1:39

Kadi bana benu bakese banuakamba ne, Nebafue, badi kabayi banze kumanya malu mimpe ne malu mabi, bobo nebabuelemu, nebahiane buloba.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Yoshua 23:14

Monai, lelu eu nkadi ha kuya mu nshila utu waya bonso ba ha buloba: nudi bamanye mu mitshima yenu yonso ne mu mioyo yenu yonso ne kanuakahanga tshintu tshimpe tshimue tshiakanuha Yehowa, Nzambi wenu; nuakaheta bintu bionso, kanuakahanga tshintu tshimue.