Misambu 9:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badi bamanye dina diebe nebakueyemene; buala bua wewe, Yehowa, kuena muanze kulekela bantu badi bakukeba.

MUKANDA WA MYIDI MUKULU

¹⁰ Kudi Maweja-Nangila ke kudi bonsu badibu bakengesha banyemena, ke kudibu basokomena diba dia dikenga.

Misambu 9:10 교차 참조

2 Samuele 22:3

Nzambi, dibue dianyi, nengeyemene kudiye, ngabu wanyi, ne lusengu lua luhandu luanyi, tshibumba tshianyi tshile ne tshinyemenu tshianyi, musungidi wanyi, udi usungila ku malu makole onso.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

Misambu 37:28

Bualu bua Yehowa udi unanga kulumbulula kuakane, kena ulekela bansanto bandi. Bantu bakane nebalamibue tshiendelele, kadi bana ba bantu babi nebajimishibue.

Misambu 37:39

Kadi luhandu lua bantu bakane ludi lufuma kudi Yehowa; yeye udi tshinyemenu tshiabo halua tshikondo tshia dikenga.

Misambu 5:11

Nunku bonso badi banyemena kudi basanke, bele mbila ya disanka tshiendelele; ne wewe neubalame; bonso badi bananga dina diebe bikale ne disanka kûdi.

Misambu 57:1

Unfuile luse, Nzambi, unfuile luse, bualu bua muoyo wanyi udi unyemena kûdi. Bulelela, nennyemene mu mundidimbi wa mahuahua ebe bua kushalaki tô ne hahita dikenga dia kabutu.

Misambu 91:14

Bualu bua yeye udi ulamata kundi mu dinanga diandi, nemmuhandishe; nemmushikike mu muaba udi kulu, bualu bua yeye udi mumanye dina dianyi.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Yeshaya 25:4

Bualu bua wewe wakadi bu musoko wa ngumbu kudi bahele, bu muaba mukole kudi mukengi mu dikenga diandi, bu tshinyemenu tshia kunyemenamu tshikondo tshia tshihuhu, bu dileshi mu diba dia munya mukole, hikala muhuya wa bena tshinyangu babi bu dikuma dia tshihuhu ku tshimanu,

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Yirmeya 29:13

Nenunkebe ne nenumpete, hanuankeba ne mitshima yenu mijima.

Nahume 1:7

Yehowa udi muimpe, udi tshinyemenu mu dituku dia ntatu, udi mumanye bantu badi banyemena kudiye.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

2 Timote 1:12

Bua muanda eu ndi nkenga makenga â kabidi, kadi bundu kabuena bunkuata ku mesu; bua ndi mumumanye yeye unakuitabusha, ne nakuitabushishibua ne yeye udi ne bukole bua kulama tshintu tshianyi tshiteka tô ne dituku diadia.

1 Yone 2:3

Mu bualu ebu tudi bamanye ne, Tudi bamumanye, bitualama mikenshi yandi.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.