Misambu 89:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nenjadike tunkanunuma tuebe tshiendelele, nengase nkuasa webe wa bukelenge tô ne ku bikondo bionso.

MUKANDA WA MYIDI MUKULU

⁴ Wewe uvua muambe ne: “Mvua mutue ndondu, ne muntu umvua musungule, ne Davide muena mudimu wanyi, mvua mumulaye ne:

Misambu 89:4 교차 참조

2 Samuele 7:29

Witabushe bua kuvudishila tshiota tshia muntu webe disanka bua tshikaleku tshiendelele ku mpala kuebe; bualu bua wewe, Mukelenge Yehowa, wakamba bualu ebu; disanka diudi nʼadi dikale ku tshiota tshia muntu webe tshiendelele.

1 Bakalenga 9:5

nenjadike nkuasa wa bukelenge buebe ku mutu kua Bena Isalele tshiendelele, bu munakalaya Davidi, tatu webe, hanakamuambila ne, Wewe kuena uhanga muntu wa kushikameye mu nkuasa wa bukelenge wa Isalele tshiendelele.

1 Kulondolola 22:10

Yeye neibakile dina dianyi nsubu; yeye neikale muanʼanyi, meme nengikale tatu wandi; nenjadike nkuasa wa bukelenge buandi mu Isalele tshiendelele.

1 Kulondolola 28:4

Kadi Yehowa, Nzambi wa Isalele, wakansungula munkatshi mua bonso ba mu nsubu wa tatu wanyi, wakampingisha mu bukelenge bua Isalele tshiendelele; bualu bua yeye wakasungula Yuda bua kuikaleye ku mutu; wakasungula tshiota tshia tatu wanyi mu tshisamba tshia Yuda; munkatshi mua bana ba tatu wanyi yeye wakalesha diakalengele kundi bua kumpingisha mu bukelenge bua Isalele;

Misambu 132:11

Yehowa wakaditshiha kudi Davidi ne mutshima udi wa bushuwa, kena ukudimuka bua kubenga dî diandi ne, Neashikike wahatuka munda muebe mu nkuasa webe wa bukelenge.

Misambu 132:12

Biatumikila hana bebe tshihungidi tshianyi ne mikenji yanyi bindualua kubayisha, bana babo baledibue nebashikame mu nkuasa webe wa bukelenge tô ne tshiendelele.

Misambu 72:17

Dina diandi nedishaleku tshiendelele! Dina diandi netushale kudi tunkanunuma tuandi hatshidi diba ditema. Bantu nebadivudishile disanka mu bualu buandi; bisamba bionso bia bantu nebimubikile ne, Udi ne disanka.

Misambu 89:1

Nengimbe bua luse lujalame lua Yehowa kashidi; mukana muanyi nemumanyishe bantu tô ne ku bikondo bionso mudi lulamatu luebe lua bushuwa.

Misambu 89:29

Nenjadike mulongo wa tunkanuniuna tuandi bua wikaleku tshiendelele, nenjadike nkuasa wandi wa bukelenge bua ikaleku bu mudi diulu dikalaku ne matuku adi.

Misambu 89:36

Milongo ya tunkanunuma tuandi neyilondangane kashidi, nkuasa wandi wa bukelenge neikaleku ku mpala kuanyi bu mudi diba tshiendelele.

Misambu 89:50

Mukelenge, uvuluke bihendu bidibo bahenda nʼabi bantu bebe. Uvuluke mundi utuala bihendu bia bantu ba bungi mu tshiadi tshianyi,

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Zekâya 12:8

Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.

Rome 15:12

Yeshaya udi wamba kabidi ne, Muji wa Yishai newikaleku, Ne udi ubika bua kukokesha bisamba bia bende neikaleku, Bisamba bia bende nebimutekemene.

Didimanyisha 22:16

Meme Yesu nakutuma muanjelo wanyi bua kunumanyisha malu â bua bualu bua ekelesia. Ndi muji ne kankanunuina bia Davidi, mutoto udi ukenka, wa nkesha.