Misambu 85:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bulelela, Yehowa neatuheshe masanka adi mimpe, buloba buetu nebukuame bintu biabu bikumbane.

MUKANDA WA MYIDI MUKULU

¹² Bulelela nebufumine mu buloba, kadi buakane nebufumine mu diulu.

Misambu 85:12 교차 참조

Misambu 67:6

Buloba buakukuamisha bintu biabu bivule; Nzambi, Nzambi wetu mene, neatuvudishile disanka.

Misambu 72:16

Blé ikale mivule ha buloba, tô ne ha mitu ha mikuna, miehu yai ihehe bu mudi mitshi ya mu Lebanona iheha. Bantu bavulangane mu musoko, badiunde bu mudi mashinde a ha buloba adiunda.

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Yeshaya 32:15

Malu â neikaleku tô ne hatshikishabo Nyuma wa mu diulu hamʼbidi hetu, handamuka tshihela budimi budi bulua ne bia kudia bia bungi, ne babadibua budimi budi bulua ne bintu bia bungi bu ditu.

Yeshaya 45:8

Diulu, witshikishe biebe buakane hanshi ha buloba, ne matutu alokeshe buakane, buloba bunzuluke bua buhatulemu luhandu, bumeneshe nʼalu buakane diatshimue; meme Yehowa nakubufuka.

Lewitiki 25:19

Buloba nebukuame bintu bia bungi, nuenu nenukute mafu tente, nenushikame bienu talala.

Lewitiki 26:4

nennuhe nvula mu tshidimu tshia nvula, ne buloba nebukuame bintu bia bungi, ne mitshi ya mu madimi neyikuame mamuma a bungi.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Zekâya 8:12

Nebakune maminu ne ditalala, nebahete diakalengele; muonshi wa tumuma neukuame tumuma tuau, buloba nebulue ne bintu bia kudia biabu, diulu nedilokeshe dibungi, nengenzeshe difuka edi dia bantu aba bua kuhianabo bintu ebi bionso.

Matayi 13:23

Yeye wakadi mumiamina ha buloba buimpe udi unvua dî dia Nzambi, udi udijingulula; yeye mene udi uvudisha maminu; manga adi avulangana lukama lukama, manga makumi asambombo asambombo, manga makumi asatu asatu.

Matayi 13:8

makuabo akamata ha buloba buimpe, akavudisha maminu; makuabo lukama lukama, makuabo makumi asambombo asambombo, makuabo makumi asatu asatu.

Bienzedi 2:41

Bakitabusha dî diandi bakabatijibua. Dituku adi kantu bu binunu bisatu bakadikungisha nʼabo.

Bienzedi 21:20

Hakunvuabo bualu abu, bakatumbisha Nzambi, bakamuambila ne, Muanʼetu, wewe udi utangila bungi bua mbombo ya ba munkatshi mua Bena Yuda badi bamane kuitabusha; kadi buonso buabo badi ne lukunukunu lua mikenshi ya Mose.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

Efeze 1:3

Nzambi, Tatu wa Mukelenge wetu Yesu Kilisto atumbishibue, wakatuvuidishila masanka onso a Nyuma mu miaba ya mu diulu mu Kilisto;

Yakobe 1:17

Kuha kuonso kuimpe ne diha dionso diakane tshishiki bidi bifuma mu diulu, bahueka hanshi bilua kudi Tatu wa munya, kudi kakui ne dikudimuka anyi mundidimbi wa tshintu tshidi tshinyunguluka.