Misambu 80:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa Nzambi wa misumba, utuandamune mitshima yetu kabidi; mpala webe ateme, ne netusungidibue!

MUKANDA WA MYIDI MUKULU

¹⁹ Nenku, katuena tumuka kuudi to, utulame ne muoyi, netukutendelele amu wewe.

Misambu 80:19 교차 참조

Misambu 27:4

Nakulomba Yehowa bualu bumuehele, mbuobu bundi ukebakeba: bua meme kushikama mu nsubu wa Yehowa matuku onso a muoyo wanyi, bua kumona buimpe bua Yehowa, ne bua kuelangana meji a malu a mu ntempelo wandi.

Misambu 27:9

Kusokoki mpala webe kundi nansha. Kumushi muntu webe ku mpala kuebe mu tshiji, wewe wakadi mukuatshishi wanyi. Kungihatshi, kundekedi, wewe Nzambi wa luhandu luanyi!

Misambu 31:16

Mpala webe atemene muntu webe, unsungile bua luse luebe lujalame.

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Misambu 80:1

Teleja matshu ebe, wewe Mulami wa mikoko wa Bena Isalele, wewe udi ulombola bana ba Yosefe bu tshisumbu tshia mikoko. Wewe udi mushikika mu nkuasa wa butumbi ha mutu ha bakeluba, uteme biebe.

Misambu 80:3

Wewe Nzambi, utuandamune mitshima yetu kabidi; mpala webe ateme, ne netusungidibue!

Misambu 80:7

Wewe Nzambi wa misumba, utuandamune mitshima yetu kabidi; mpala webe ateme, ne netusungidibue!

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Dielulula 5:32

Nuenu nutumikile mei onso adi Yehowa, Nzambi wenu, unuambila; kanusesuki ku tshianza tshia balume anyi ku tshianza tshia bakashi.

Yoshua 1:7

Anji kuikala ne bukole ne mutshima wa dikima: udimuke bua kutumikila mikenji yonso yakakuambila muntu wanyi Mose; kusesuka ku tshianza tshia balume anyi ku tshianza tshia bakashi, nunku newikale ne diakalengele kuonso kuwaya.