Misambu 78:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ bua bana aba bajadike ditekemena diabo mu Nzambi, bua kabahu bienzedi bia Nzambi muoyo, kadi batumikile mikenji yandi.

MUKANDA WA MYIDI MUKULU

⁷ Bua bana batekemene kudi Mvidi Mukulu, kabayi bapua muoyi bidiye mubenzele, ne bua balame meyi ende.

Misambu 78:7 교차 참조

Misambu 103:2

Mutshima wanyi, uvudishile Yehowa disanka; kuhu muoyo bua masanka onso akutuheye:

Misambu 105:45

Bua kulondabo mei akabambileye; ne bua kutumikilabo mikenji yandi. Tumbishai Yehowa!

Misambu 105:5

Nuvuluke bienu bienzedi bia kukema biakenzeye, malu andi a kukema ne dilumbulula dia mukana muandi,

Misambu 146:5

Disanka didi kudi muntu udi ne dikuatshisha diandi kudi Nzambi wa Yakoba, udi ne ditekemena diandi mu Yehowa Nzambi wandi,

Misambu 40:4

Disanka didi kudi muntu udi uvuisha Yehowa tshieyemenu tshiandi, udi kayi ukudimuna kudi badi badisue, anyi kudi badi hasesuka bua kulondabo mashimi.

Misambu 62:5

Mutshima wanyi, uhuwe biebe talalâ, windile Nzambi nkayandi; bualu bua ditekemena dianyi didi difuma kudiye.

Misambu 91:14

Bualu bua yeye udi ulamata kundi mu dinanga diandi, nemmuhandishe; nemmushikike mu muaba udi kulu, bualu bua yeye udi mumanye dina dianyi.

1 Korente 11:24

hakasakidileye Nzambi, wakabitshibula, wakamba ne, Ebi bidi mubidi wanyi wakanuhebua bualu buenu; enzai nunku bua kubuluka.

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 5:29

O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Dielulula 6:12

hashishe nudimukai, bua kanuhu muoyo bua Yehowa wakanuhatula mu buloba bua Ejipitu ne mu nsubu wa buluka.

Dielulula 6:21

Hashishe newambile muanʼebe mulume ne, Tuakadi bahika ba Palo mu Ejipitu, ne Yehowa wakatuhatula mu Ejipitu ne tshianza tshikole;

Dielulula 6:25

Bituenza mikenji ei ku mesu kua Yehowa, Nzambi wetu, bu muakabambileye, netubadibue ne mbakane.

Dielulula 8:11

Nudimuke, kanuhu muoyo bua Yehowa, Nzambi wenu, ne bua kutumikila mikenji yandi ne mei andi ne malu anakunuambila lelu:

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

1 Petro 1:21

Bua bualu buandi nudi bena kuitabusha ba Nzambi wakamubisha ku bafue, wakamuha butumbi; bua ditabusha dienu ne ditekemena dienu bikale mu Nzambi.

1 Yone 5:3

Bua edi ndinanga dia Nzambi, bua tuetu tutumikile mikenshi yandi; ne mikenshi yandi kayena itunemena bujitu.

Didimanyisha 14:12

Eku nkutantamana kua basanto, badi batumikila mikenshi ya Nzambi, ne ditabusha dia Yesu.