Misambu 68:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Leshai bantu ne, Nzambi udi ne bukole. Buneme buandi budi ha mutu ha Bena Isalele, ne bukole buandi budi mu diulu.

MUKANDA WA MYIDI MUKULU

³⁴ Udi wendakana mu diulu, mu diulu dia kashidi, ukungula ne diyi dikole.

Misambu 68:34 교차 참조

Misambu 150:1

Tumbishai Yehowa! Tumbishai Nzambi mu muaba wandi wa tshijila; numutumbishe mu diulu didi dilesha bukole buandi!

Misambu 29:4

Dî dia Yehowa didi dî dikole, dî dia Yehowa didi diule tente ne butumbi.

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Dielulula 33:27

Nzambi wa kashidi udi muaba webe wa kushikama talalâ, ne maboko andi a tshiendelele atu akubisha: yeye wakihata bena lukuna ku mesu kuebe, ne yeye wakamba ne, Bashihai.

2 Petro 1:17

Bualu bua yeye wakangata buneme ne butumbi kudi Nzambi Tatu hakalua dî dia nunku kudiye munkatshi mua Butumbi bua Buneme ne, Eu udi Muana wanyi munanga, disanka dianyi dionso didi kudiye;

Didimanyisha 19:6

Nakwmia dî bu dî dia tshisumbu tshinene tshia bantu, ne bu dî dia mai a bungi ne bu dî dia mikungulu mikole diamba ne, Aleluya, bualu bua Mukelenge Nzambi wetu, wa Bukole Buonso, udi ukokesha.