Misambu 59:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Wewe muine Yehowa, Nzambi wa misumba, udi Nzambi wa Isalele. Juka bua kukengesha bisamba bionso bia bantu; kufuidi umue wa batungidi aba luse.

MUKANDA WA MYIDI MUKULU

⁵ Badi bafike lubilu bua kunduisha, nansha meme tshiyi muenze bibi. Maweja-Nangila, tabuluka vuakunu, tangila bidibu bangenzela.

Misambu 59:5 교차 참조

Genese 33:20

Wakenzaku tshioshelu, wakatshidika dina ne, El-Elohe Isalele.

Misambu 54:3

Bualu bua bana ba bende bakunjukila bua kuntantamena, bena tshimbambila badi bakeba muoyo wanyi. Kabena bateka Nzambi ku mpala kuabo.

Misambu 55:15

Dibutuka dikuluke hamʼbidi habo, bahueke biabo ne muoyo tô ne ku Muaba wa Bafue, bualu bua malu mabi adi mu nsubu yabo ne munkatshi muabo.

Misambu 7:7

Disangisha dia bantu ba ha buloba dikunyunguluke; ne hawikala ku mutu kuadi, hingana biebe mu diulu.

Misambu 80:4

Yehowa, Nzambi wa misumba, neukuatshile kutendelela kua bantu bebe tshiji musangu bule bishi?

Misambu 84:8

Wewe Yehowa Nzambi wa misumba, unvua kutendelela kuanyi; wewe Nzambi wa Yakoba, uteleje matshu ebe kundi.

Misambu 9:15

Ba mu bisamba bia bantu bakuhona mu dijimba diakumbulabo; dikasa diabo diakukuatshibua mu bukuondo buakusokokabo:

Ekesode 20:5

Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Yeshaya 1:10

Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Yirmeya 18:23

Kadi wewe, Yehowa, udi mumanye malu onso a tshifufu tshiakungelelabo bua kunshiha; kubalekedi malu mabi abo; kubajimishidi bubi buabo ku mesu kuebe; kadi balenduishibue ku mpala kuebe; ubakengeshe mu tshikondo tshia tshiji tshiebe.

Danyele 6:7

Ba-gouverneur bonso ba mu bukelenge, balumbuluishi, miloho, bena meji ne bakokeshi bakahunga dî dimue ne, Mukelenge ajadike mukenji, ele mukandu mukole, wamba ne, Muntu yonso walomba bualu kudi nzambi mukuabo anyi kudi muntu mukuabo mu matuku makumi asatu, kayi ubulomba kûdi nkayebe, mukelenge, bamuele mu huma bua ntambue.

Amosa 9:7

Yehowa udi ukonka ne, Nuenu Bena Isalele, kanuena bu bana ba Bena Atiopa kundi, anyi? Tshiakaluhula Bena Isalele mu buloba bua Ejipitu, ne Bena Peleshete ku Kefetô ne Bena Sulia ku Kî, anyi?

Rome 9:6

Kadi bualu ebu kabuena bulesha ne, Dî dia Nzambi diakuhanga. Bualu bua bonso ba mu Isalele kabena Bena Isalele bulelela, ne buonso buabo kabena bana bandi:

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.