Misambu 53:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ku muaba wawa badi ne buowa bukole, bakuatshike buowa buakadi kabuyiku diambedi. Bualu bua Nzambi neatangadishe mifuba ya muntu udi wasa tshitudilu tshiandi bua kukuluisha. Wewe neubafuishe bundu ku mesu bualu bua Nzambi wakubabenga.

MUKANDA WA MYIDI MUKULU

⁵ Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 53:5 교차 참조

Yobe 15:21

Tshiona tshia malu adi amukuatshisha buowa tshidi mu matshu andi; hadiye mushikame talalâ, mushihianganyi udi ulua kumubunda.

Misambu 14:5

Ku muaba wawa badi ne buowa bukole; bualu bua Nzambi udi mu mulongo wa bantu bakahe.

Misambu 141:7

Bu mudi muntu ubundulula buloba, ubuhanda ne lukasu, mbu mudi mifuba yetu mimuangalashibue ku mushiku wa Muaba wa Bafue.

Misambu 2:4

Yeye udi mushikame mu diulu udi useka, Mukelenge udi uhahetula.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Misambu 35:4

Badi bakeba muoyo wanyi bafuishibue bundu, bakeheshibue. Badi bahangidisha malu mabi a kungenzela, bahingashibue ne babuandakashibue.

Misambu 40:14

Bantu aba bafuishibue bundu ne babuandakashibue, buonso buabo diatshimue, badi bakeba muoyo wanyi bua kûmushaku. Balukishibue tshianyima ne bakeheshibue, bobo mene badi basue kungenzela bibi.

Misambu 73:20

Bu mudi bualu bua tshilota hatabala muntu, nunku, Mukelenge, hawabika, neulengulule binfuanyi biabo.

Nsumuinu 28:1

Bantu babi badi banyema kakuyi muntu udi ubihata, kadi bantu bakane badi ne dikima bu dia nyama wa ntambue.

Yirmeya 49:15

Bualu bua mena, nakukuvuisha bu tshisamba tshikese munkatshi mua bisamba bia bantu, bu tshintu tshidibo bahetula munkatshi mua bantu.

Yirmeya 6:30

Bantu nebababikile ne, Bikanganya bia tshiamu tshia argent, bualu bua Yehowa wakubahidia.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Yezekiyele 6:5

Nendadike bitalu bia Bena Isalele ku mpala kua mpingu yabo, nemmuangalashe mifuba yenu kuinshi kua bioshelu bienu ku nseke yonso.

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Lewitiki 26:36

Bungi bua bantu benu badi bashala nebikale ne mitshima mitekete mu buloba bua bantu badi nʼabo lukuna, nebanyeme hunvuabo tshiona tshia dibeshi dia mutshi didi dinyunga kudi luhehele, nebanyeme bu mundi udi unyema ku muele wa nvita, nebadishinde, mundi kayi ubihata.

1 Samuele 14:15

Bantu bonso bakadi mu tshitudilu ne mu madimi kabidi bakazakala; ne masalayi ne bambudi ba bintu bakazakala; buloba buakakanka kabidi, nunku kukanka kunene kua buloba kuakadiku.