Misambu 51:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wewe Nzambi, Nzambi wa luhandu luanyi, unsungile ku dihila dia dimatshisha dia mashi, ne ludimi luanyi neluimbe musambu ne dî dikole bua buakane buebe.

MUKANDA WA MYIDI MUKULU

¹⁴ Nsanke tshiakabidi, bualu udi mumpandishe. Umpe muoyi wa kukutumikila.

Misambu 51:14 교차 참조

Genese 42:22

Lubena wakabambila ne Tshiakanuambila ne, Kanuenzedi muana bualu bubi, kadi nuenu kanuakangunvuila, anyi? Nunku mashi andi adi ashala ha bilamba bienu.

Genese 9:6

Muntu yonso udi umatshisha mashi a munga muntu hanshi, nebamatshishe mashi andi hanshi, bualu bua Nzambi wakafuka bantu mu tshifuanyikishi tshiandi.

2 Samuele 12:9

Wewe wakalengulula dî dia Yehowa bua kuenza bualu ebu bubi ku mesu kuandi bua tshinyi? Wewe wakashiha Uliya, Muena Hiti, ku muele wa nvita, wakangata mukashi wandi bu mukashi webe, wakamushiha ku muele wa nvita wa bana ba Amona.

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

2 Samuele 3:28

Hakunyua Davidi lumu elu, yeye wakamba ne, Meme ne bantu bonso ba mu bukelenge buanyi tuakubingishibua ku mesu a Yehowa tshiendelele bua mashi a Abinê, muana wa Nê:

Ezela 9:13

Ku nyima kua makenga onso atuakakenga bua malu mabi etu ne kuhila kuetu kunene, bualu bua wewe Nzambi wetu kuakatamba kutukengesha bu muakadi mibi yetu, ne wakutushila difuka edi dia bantu,

Nehemya 9:33

Kadi wewe udi muakane mu malu onso akatukuata; wakatuenzela anu malu a bushuwa, kadi tuetu tuakenza bibi;

Misambu 25:5

Undombele biebe mu bulelela buebe, unyishe; bualu bua wewe udi Nzambi wa luhandu luanyi; ndi nkuindila wewe dinda tô ne ku dilolo.

Misambu 26:9

Kumushi muoyo wanyi musûke ne bantu babi diatshimue, kumushi muoyo wanyi diatshimue ne bantu badi bakeba kumatshisha mashi,

Misambu 35:28

Ka ludimi luanyi nebambile bantu bua buakane buebe ne bua butumbi buebe dinda tô ne ku dilolo.

Misambu 38:22

Udiendeshe lubilu bua kunkuatshisha, Mukelenge, luhandu luanyi!

Misambu 55:23

Kadi wewe Nzambi, neutulule bantu aba hanshi tô ne ku ndondo wa dijimba dia kabutu; bantu badi bamatshisha mashi ne badi badinga kabena bashala ne muoyo tshituha tshia hankatshi tshia matuku abo. Kadi meme nenkueyemene wewe.

Misambu 68:20

Nzambi udi Nzambi wa luhandu kutudi, ne kudi Yehowa Mukelenge kudi kufuma kuhanduka ku lufu.

Misambu 88:1

Yehowa, Nzambi wa luhandu luanyi, nakudila ku mpala kuebe munya ne butuku.

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Yeshaya 45:17

Kadi Bena Isalele nebasungidibue kudi Yehowa ne luhandu lua tshiendelele; kanuena nufuishibua bundu, kanuena nubuandakana tô ne tshiendelele.

Yezekiyele 33:8

Hangambila muntu mubi ne, Wewe muntu mubi, neufue bulelela, ne wewe udi uhanga kuamba dî dimue bua kudimusha muntu mubi bua kulekeleye kuenda mu nshila wandi mubi, muntu eu mubi neafue bua bubi buandi, kadi nendombe mashi andi ku tshianza tshiebe.

Danyele 9:16

Mukelenge, bu mudi bienzedi biebe bionso biakane udi nkusengelela ne, Tshifikʼa munda tshiebe ne tshiji tshiebe tshikole biumuke ku musoko webe Yelushalema, mukuna webe wa tshijila. Bualu bua mitu yetu ne bua malu mabi a batatuʼetu, Yelushalema ne bantu bebe biakulua tshihendu kudi bantu bonso badi batunyunguluke.

Danyele 9:7

Mukelenge wetu, buakane budi kudi, kadi tuetu tudi ne bundu ku mesu, bu mudibu lelu eu, kudi bantu ba mu Yuda ne kudi badi bashikame mu Yelushalema, kudi Bena Isalele bonso, kudi badi ha buihi ne kudi badi kule, mu maloba onso awakubatuma, bualu bua kutomboka kuabo kuakukutombokelabo.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Abakuke 3:18

kadi meme hanyi nensanke mu Yehowa, nentumbile mu Nzambi wa luhandu luanyi.

Bienzedi 18:6

Hakamutantamenabo ne hakamuhendabo, yeye wakabanyukuila bilulu, wakabambila ne, Mashi enu ikale ha mitu henu, meme tshiena ne bualu; katataka tô ne tshiendelele nenye kudi bisamba bia bende.

Bienzedi 20:26

Nunku bua bualu ebu ndi nuambila lelu ne, Ndi mbingishibua ku mashi a bantu bonso.

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.