Misambu 45:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bana bakashi ba bakelenge badi bashikama munkatshi mua bakashi bebe badi ne butumbi. Mukelenge mukashi webe udi wimana ku tshianza tshiebe tshia balume muluate or wa ku Ofî.

MUKANDA WA MYIDI MUKULU

⁹ Bilamba biebe bidi binunka dipembu dia manananshi mashilangane. Mu nzubu muebe mulengeja ne mibanga mudi miadi ya bisanji idi ikusankisha.

Misambu 45:9 교차 참조

1 Bakalenga 10:11

Matu a Hilama akafuma ku Ofî ne or akalua ne mitshi ya sandal ne mabue a mushinga mukole bia ku Ofî kabidi.

1 Bakalenga 2:19

Nunku Betasheba wakaya kudi mukelenge Solomo bua kumuambila bualu bua Adoniya. Mukelenge wakajuka bua kusangakeneye nʼandi, wakatua mpala wandi hanshi ku mesu kuandi, wakashikama mu nkuasa wa bukelenge kabidi; wakamba dî bua kutekelabo mamu wa mukelenge nkuasa wa bukelenge mukuabo, wakashikama ku tshianza tshiandi tshia balume.

1 Bakalenga 2:9

Kadi kumubadi bu muntu udi kayi ne bualu, bualu bua wewe udi muena lungenyi; neumanye bualu bûdi nʼabu mbua kumuenzela: wewe neutume mutu wandi udi ne nsuki mitoke tô mu Muaba wa Bafue ne mashi.

1 Kulondolola 1:23

ne Ofî ne Hawila ne Yobaba. Aba bonso mbana balume ba Yoketana.

Yobe 22:24

biwela tshiamu tshia or ha buloba, biwela or wa ku Ofî munkatshi mua mabue a mu tusulu,

Misambu 45:13

Muana mukashi wa mukelenge udi ne butumbi buonso mu nsubu wa munda mua mbalasa wa mukelenge. Bilulu biandi bidi bitedibue ne buanda bua or.

Misambu 72:10

Bakelenge ba mu Tâshishi ne ba mu bisanga bia mai manene nebafile milambu kudiye; bukelenge ba mu Sheba ne ba mu Seba nebalue ne maha abo kudiye.

Nsumuinu 7:17

Nakumiamina manananshi ha bulalu buanyi adi a mula, a alo, ne a cinnamone.

Musambu wa Solomo 7:1

Wewe muana wa mukelenge, makasa ebe adi atamba bulengele mu bisabata. Bibelu biebe bidi bu mabue a mushinga mukole adi masonga ku bianza bia nsenda.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yowanane 3:29

Udi ne mukashi udi biandi mubaki wa mukashi; kadi mulunda wa mubaki, himaneye nʼandi, hatelesheye dî diandi, neatambe kusanka bualu bua dî dia mubaki; ka disanka dianyi didi dikumbane.

Didimanyisha 19:7

Tusanke, tuikale ne disanka dinene, tumuhe butumbi, bualu bua dibaka dia Muana wa Mukoko diakulua, ne mukashi wandi wakudilongolola.

Didimanyisha 21:2

Nakatangila musoko wa tshijila, Yelushalema muhia-muhia, uhueka muluhuke mu diulu kudi Nzambi, muikale mulongolola bimpe bu mukashi mulengeshela mulume wandi.

Didimanyisha 21:24

Ne ba ma bisamba nebendakane mu dinkenka diau; ne bakelenge ba ha buloba badi baluamu ne butumbi buabo.

Didimanyisha 21:9

Umue wa banjelo muanda mutekete bakadi ne mpanza muanda mutekete miûle tente ne makenga muanda mutekete a kunshikidilu, wakalua, wakakula nʼanyi, wamba ne, Lua biebe, nenkuleshe mukashi musela, mukashi wa Muana wa Mukoko.