Misambu 42:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

MUKANDA WA MYIDI MUKULU

⁵ Ndi mvuluka malu a kale, muoyi wanyi ungitshikila munda. Tuvua tuenda bantu tshisumbu, tuya mu nzubu wa Mvidi Mukulu bua tshibilu, tutumbisha Mvidi Mukulu, tumuela tunkunduluila.

Misambu 42:5 교차 참조

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Misambu 35:14

Nakendakana ne majia bu munakadi mua kudila mulunda wanyi anyi muanʼetu; nakinama mutu wanyi bua kudila bu munakadi kuashila mamu wanyi muadi.

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Misambu 38:6

Ndi ne nyima mukobame ne dikenga, ndi muhuekeshibue bikole; ndi ngendakana ndila dinda tô ne ku dilolo.

Misambu 42:11

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi luhandu luanyi ne Nzambi wanyi.

Misambu 43:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Misambu 56:11

mu Nzambi mene mundi ngeyemena, tshiyi ne buowa. Bantu badi bamanye mua kungenzela tshinyi?

Misambu 56:3

Handi ntshina, ndi nkueyemena wewe.

Misambu 61:2

Kunfudilu kua buloba ndi nkuela dî dianyi, bahanga mutshima wanyi. Undombele ku dibue didi dintamba kulu

Misambu 71:14

Kadi meme hanyi nengikale ne ditekemena misangu yonso, nennanukile kukutumbisha musangu ne musangu.

Misambu 77:3

Ndi nvuluka Nzambi, ndi ntua mikemu; ndi ngelangana meji munda muanyi, nyuma wanyi udi uhanga.

Yeshaya 30:29

Nuenu nenuikale ne musambu bu musambu udibo bimba ku butuku hadiabo bidia bia disanka dia tshijila; nenuikale ne disanka dia mutshima, bu disanka dia muntu udi wenda wela lushiba hayeye ku mukuna wa Yehowa, kudi Dibue dia Isalele mene.

Yeshaya 50:10

Muntu kai wa munkatshi muenu udi utshina Yehowa, udi utumikila dî dia muntu wandi? Biendeye mu mîdima kayi ne muinda, eyemene biandi dina dia Yehowa, atekemene biandi Nzambi wandi!

Dibadika 6:26

Yehowa abandishe mesu andi kunudi, anuhe ditalala.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Matayi 26:38

Yeye wakabambila ne, Mutshima wanyi udi utamba kunyingalala, lufu nduntonda; nushale aha, nuikale nʼanyi tshitabala.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

1 Samuele 30:6

Davidi wakanyingalala bikole; bualu bua bantu bakadi bahunga dî bua kumukuma mabue; mitshima ya buonso buabo yakanyingalala bua bana babo balume ne bana babo bakashi; kadi Davidi wakadikolesha mu Yehowa, Nzambi wandi.