Misambu 40:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Wewe kuena unanga mulambu wa nyama mushiha ne mulambu wa bia kudia; wewe wakujikula matshu anyi. Kuakulomba mulambu wa kuosha ha tshioshelu ne mulambu wa kubuikila nʼau mibi.

MUKANDA WA MYIDI MUKULU

⁶ Maweja-Nangila, Mvidi Mukulu wetu, kakuena udi mukufuane. Bishima biudi mutuenzele mbivule, bilenga biudi musue kutusankisha nabi mbipite bungi. Tshiena mua kubilonda nansha kubibala.

Misambu 40:6 교차 참조

Yobe 33:16

mu diba adi yeye udi ujikula matshu a bantu, udi ubayisha mu busokoko,

Yobe 5:9

udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Misambu 139:17

Nzambi, mona mudi meji ebe mikale a mushinga mukole kundi! Mona mudi bungi buau buhite bunene!

Misambu 139:18

Bu meme muâbale, akadi kuhita lusenga bungi. Hanatabala, ntshidi nʼebe.

Misambu 50:8

Tshiena nnubela bua milambu yenu; milambu yenu ya kuosha idi ku mpala kuanyi matuku onso.

Misambu 51:16

Bualu bua wewe kuena usanka bua difila dia milambu, anyi nakadi kuyifila, wewe kuena usanka bua mulambu wa kuosha ha kahia.

Misambu 71:15

Mukana muanyi nemuambile bantu bua bienzedi bia buakane buebe, nembambile bua malu a luhandu luebe dinda tô ne ku dilolo; bualu bua tshiena mumanye bungi buabi.

Ekesode 21:6

nunku mukelenge wandi nealue handi kudi balumbuluishi, nealue handi ku tshibi anyi ku tshibanda tshia tshibi ne mukelenge wandi neatubuishe ditshu diandi ne tshiamu ne yeye neamukuatshile mudimu tshiendelele.

Yeshaya 1:11

Yehowa udi unukonka ne, Bisumbu bia milambu yenu bidi bu tshinyi kundi? Nakumana kukuta ne milambu ya kuosha ya bimpanga ne ya manyi a nyama midisha; tshiena nsanka bua mashi a balume ba ngombe, anyi a bana ba mikoko anyi a mpumbu ya mbushi.

Yeshaya 25:1

Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Osheya 6:6

Bualu bua ndi musue kudifila kuenu, kankufila kua milambu; ndi musue kumanya kuenu kua Nzambi, kankuosha kua milambu.

Amosa 5:22

Bulelela, nansha binuafila milambu yenu kundi mudi nungoshila, ne milambu yenu ya bia kudia, tshiena ngiyitabusha; tshiena ntangisha mesu anyi ku milambu yenu ya bimuna bidi ne manyi bua kuyuisha nʼai ditalala.

Matayi 12:7

Bu nuenu bamanye dî edi ne, Ndi musue luse, tshiena nsua nyama minshihela, kanuakadi kuhisha badi kaba! ne dihila.

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.