Misambu 36:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Buakane buebe budi bu mikuna ya Nzambi, kulumbulula kuebe kuakane kudi bu ndondo wa mu mai manene. Yehowa, wewe udi ulama bantu ne nyama bua kuikalabi ne muoyo.

MUKANDA WA MYIDI MUKULU

⁶ Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Misambu 36:6 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Nehemya 9:6

Wewe udi Yehowa, wewe nkayebe mene; wewe wakafuka diulu ne diulu dia mu diulu ne misumba yau yonso ne buloba ne bintu bionso bidimu ne mai manene ne bionso bidimu, wewe utu wabilama buonso buabi; misumba ya mu diulu idi ikutendelela.

Yobe 37:23

Katuena bamanye mua kujingulula malu onso a Wa Bukole Buonso; yeye udi munene mu bukole buandi, ne bualu bua yeye udi ne buakane bukumbane bua bungi, kena ukengesha muntu tshianana.

Yobe 7:20

Bingikala muenze bibi, ndi mua kukuenzela tshinyi, wewe, mulami wa bantu? Bualu kai wewe wakunteka bu tshimanyinu tshia kuasaku mikete yebe, tô ne hakalua bualu ebu bujitu kundi?

Misambu 145:9

Yehowa udi wenzela bantu bonso bimpe; luse luandi ludi ha mutu ha bintu bionso biakafukeye.

Misambu 147:9

Udi uha nyama bia kudia biai, udi ubihesha bana ba bikololo habididilabo.

Misambu 31:20

Wewe udi ubasokoka mu tshisokomenu tshiebe ku bifufu bidi bantu babelela. Udi ubalama mu musokoko mu tshitandatanda ku matandu adi ahatuka ku ndimi yabo.

Misambu 71:19

Nzambi, buakane buebe budi bufika tô ne kulu. Wewe wakuenza malu manene, Nzambi, udi bu wewe nganyi?

Misambu 77:19

Nshila webe wakadi mu mai manene, nshila yebe yakahita mu mai matambe bukole; ne biendedi biebe kabiakamanyibua.

Misambu 92:5

Mona mudi bienzedi biebe binene, Yehowa! Meji ebe adi atamba bule!

Misambu 97:2

Matutu ne mîdima bidi bimunyunguluka; buakane ne kulumbulula kuakane bidi bishimikidi bia nkuasa wandi wa butumbi.

Ekesode 9:28

Nundombele Yehowa, bualu bua makubakuba ne mabue a nvula biakututonda, nennulekele, kanuena nushala kabidi.

Yeshaya 40:28

Kuakumanya, anyi? Kuakunvua, anyi? Yehowa udi Nzambi wa tshiendelele, Mufuki wa nseke yonso ya ha buloba tô ne kunfudilu kuabu. Yeye kena uteketa nansha, kena uhungila nansha; kakuena muntu udi mua kumanya kujingulula kuandi kua malu biakebeye kukumanya.

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Yirmeya 12:1

Yehowa, wewe udi muakane hanakeba kukuela mpata, kadi ndi musue kuyikilangana nʼebe bualu buanyi: Nshila wa bantu babi udi ne diakalengele bualu kai? Bualu kai bonso badi basonguelangana badi ne ditalala?

Muadi 3:23

bidi bihia-bihia ku dinda ku dinda, bujalami buebe budi butamba bunene!

Yona 4:11

Ne meme tshiakadi ne bua kunyingalala bua Ninewe, musoko au munene, mudi bantu binunu lukama ne makumi abidi badi kabayi mua kujingulula tshianza ne ntshia balume ne ntshia bakashi, ne mudi bimuna bia bungi kabidi, anyi?

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Rome 3:25

Nzambi wakamuladika ku mesu kua bantu bua kuikaleye mulambu wa kubuikila nʼau malu mabi a bantu, ku ditabusha dia mu mashi andi, bualu bua kulesha buakane buandi mu dihita diandi dia malu mabi akenzabo diambedi, bua lutulu lua Nzambi.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Dielulula 7:9

Numanye bienu ne Yehowa, Nzambi wenu, udi Nzambi mene; Nzambi utu walamata dî diandi, utu watumikila tshihungidi tshiandi ne luse luandi kudi bantu badi bamusue ne batu batumikila mikenji yandi tô ne ku bihungu tshinunu;

1 Timote 4:10

Bua bualu ebu tudi tuenza mudimu mukole ne tudi tutshinta, bua tuakutekemena Nzambi udi ne muoyo, udi Musungidi wa bantu bonso, kadi mutambe kuikala Musungidi wa badi bamuitabusha.

1 Samuele 14:15

Bantu bonso bakadi mu tshitudilu ne mu madimi kabidi bakazakala; ne masalayi ne bambudi ba bintu bakazakala; buloba buakakanka kabidi, nunku kukanka kunene kua buloba kuakadiku.