Misambu 27:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nansha bialua musumba wa bena nvita kuasabo tshitudilu tshiabo bua kuntshintshimika, mutshima wanyi kawena ukuatshika buowa. Nansha biajuka nvita ku mesu kuanyi, mu muanda eu mene nengikale ne dieyemena dianyi.

MUKANDA WA MYIDI MUKULU

³ Nansha tshituilu tshijima tshingela munkatshi, tshiena ngumvua bowa. Nansha babanga mvita, ndi nsomba amu talalaa.

Misambu 27:3 교차 참조

2 Kulondolola 20:15

Yeye wakamba ne, Unvuai, Bena Yuda bonso ne bonso ba mu Yelushalema, ne wewe mukelenge Yehoshafata, Yehowa udi wamba ne, Kanutshinyi, kanukemi hua tshisumbu etshi tshinene; bualu bua nvita ei kanyenu, nya Nzambi.

Yobe 4:6

Kutshina kuebe kua Nzambi kakuena tshieyemenu tshiebe, anyi? Buakane bua bienzedi biebe kabuena ditekemena diebe, anyi?

Misambu 112:7

Kena utshina ngumu mibi; mutshima wandi udi mushindame, udi weyemena Yehowa.

Misambu 3:6

Tshiena ntshina mbombo ya bantu badi bantshintshimika ku nseke yonso.

Misambu 3:7

Juka bieba, Yehowa, ansungile, Nzambi wanyi. Bualu bua wewe wakakuma bena lukuna banyi bonso ku matama abo, Wakatshibula menu a bantu babi.

Misambu 52:6

Bantu bakane nebatangile bualu ebu, nebatshine, nebamuseke ne,

Filipe 1:28

ne kabena batshinyishibua nasha ku bualu bumue kudi bena lukuna. Bualu ebu budi tshileshilu tshia dibutuka diabo, kadi ntshia luhandu kunudi, ne luolu ludi lufuma kudi Nzambi;

1 Petro 3:14

Kadi binuakenga bualu bua buakane, nudi ne disanka; kanutshinyi kutshinyisha kuabo, kanulubakashibu mitshima yenu;

Didimanyisha 2:10

Kutshinyi malu audi wamba kukenga nʼau. Mona, diabolo udi wamba kuela bakuabo ba munkatshi muenu mu lukanu bua nuenu nutetshibue, ne nenuikale ne dikenga dia matuku dikumi. Wikale biebe ne dieyemena tô ne ku lufu, nunku nenkuhe tshifulu tshia butumbi tshia muoyo.

1 Samuele 19:8

Nvita yakadiku kabidi; Davidi wakaluhuka, wakaluangana ne Bena Peleshete, wakabashiha ba bungi: bakanyema ku mesu kuandi.