Misambu 27:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Windile Yehowa; wikale ne bukole, ne mutshima webe wikale ne dikima; e, windile biebe Yehowa!

MUKANDA WA MYIDI MUKULU

¹⁴ — Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 27:14 교차 참조

Genese 49:18

Yehowa, nakuindila luhandu luebe.

Misambu 130:5

Ndi ngindila Yehowa, muoyo wanyi udi umuindile, ne mu dî diandi mundi ntekemena.

Misambu 138:3

Mu dituku dinakukubikila, wewe wakitaba kundi, wakankolesha bikole mu muoyo wanyi.

Misambu 25:21

Lulamatu luanyi kûdi ne buakane buanyi bindame; bualu bua ndi nkuindila.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 31:24

Nuikale ne bukole, ne mitshima yenu ikale ne dikima, nuenu bonso badi bindila Yehowa!

Misambu 33:20

Muoyo wetu udi windila Yehowa; yeye udi dikuatshisha dietu ne ngabu wetu.

Misambu 37:34

Windile Yehowa, ulamate nshila wandi, yeye neakubandishe bua wewe kuhiana buloba. Habutulabo bantu babi, wewe neumone muanda eu.

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Misambu 40:1

Nakindila Yehowa ne lutulu, wakatelela matshu andi kundi, wakunvua muadi wanyi.

Misambu 62:1

Mutshima wanyi udi muhuwe talalâ windila Nzambi nkayandi; luhandu luanyi ludi lufuma kudiye;

Misambu 62:5

Mutshima wanyi, uhuwe biebe talalâ, windile Nzambi nkayandi; bualu bua ditekemena dianyi didi difuma kudiye.

Nsumuinu 20:22

Kuambi ne, Nempingishe bubi ku bubi; windile Yehowa, yeye neakusungile.

Yeshaya 25:9

Mu dituku adi nebambe ne, Monai, eu udi Nzambi wetu utuakutekemena ne, Neatusungile; eu udi Yehowa utuakutekemena; netuikale ne disanka, netusanke mu luhandu luandi.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

Muadi 3:26

Bidi bimpe bua muntu atekemene ne indile biandi luhandu lua Yehowa talalâ.

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.

Luke 2:38

Yeye wakalua ha diba adi, wakasakidila Nzambi, wakambila bonso bakadi batekemene buhikudi bua Yelushalema bualu buandi.

Bienzedi 28:15

Kadi hakunvua bana betu ba Nzambi ba mu Lomo lumu luetu, bakalua kutuakidila ku Tshisalu tshia Apio ne ha Nsubu Isatu ya Tshilala Benyi; bakabamona Paulo, wakasakidila Nzambi, mutshima wandi wakakankamana.

Rome 8:25

Kadi bituatekemena bitudi katu! tumona ku mesu, tudi tuindila ne ditantamana.

1 Korente 16:13

Nutabale, nutantamane mu ditabusha, nuikale balume mene, nukuatshibue bikole.

Efeze 3:16

bua yeye anuhe bu mudi bubanshi bua butumbi buandi mua kukoleshibua munda muenu ne bukole kudi Nyuma wandi;

Efeze 6:10

Ku ndekelu, nudikoleshe mu Mukelenge ne mu bukole buandi bunene.

Filipe 4:13

Ndi mumanye mua kuenza malu onso mu Mukelenge udi unkolesha.

Kolose 1:11

ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.