Misambu 22:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Unsungile mukana mua nyama wa ntambue, usungile muoyo wanyi mukengeshibue ku lufu lua ku nsengu ya mbowa!

MUKANDA WA MYIDI MUKULU

²¹ Umpandishe ku lufu lua tshinyangu, undame bua mbua eyi kayinsumi!

Misambu 22:21 교차 참조

Misambu 35:17

Mukelenge, neutangile bualu ebu hatuhu musangu bule bishi? Usungile muoyo wanyi musûke ku kubutula kuabo, usungile muoyo wanyi muine kudi nyama ya ntambue.

Yeshaya 34:7

Ngombe ya mu mpata neyihueke nʼai ku tshishihelu, ngombe idi mihakula ne balume ba ngombe hohamue. Buloba buabo nebukuatshike mashi, dinfuenkenya diabo nedivuishibue diule tente ne mafuta.

Dibadika 23:22

Nzambi wakabaha tula mu Ejipitu, yeye udi ne bukole bu nyama wa mbowa.

Luke 22:53

Hanakadi nʼenu mu ntempelo ku dituku ku dituku, kanuakandenga bianza; kadi edi diba ndienu, ne bukokeshi bua mîdima.

Yowanane 14:30

Tshiena nuambila malu makuabo a bungi, bualu bua mukokeshi wa buloba ulualua, yeye kena nʼanyi bualu munda muanyi;

Yowanane 8:59

Bua bualu ebu bakangula mabue bua kumuela; kadi Yesu wakasokoma, wakumuka mu ntempelo.

Bienzedi 4:27

Bulelela, mu musoko eu, Helode ne Pontio Pilato ne bisamba bia bende ne Bena Isalele bakadisangisha bua kuelela Muana webe wa tshijila Yesu, uwakela manyi ha mutu, tshifufu,

Dielulula 33:17

Butumbi buandi budi bu muanʼa bute wa ngombe, nsengu yandi idi bu nsengu ya ngombe wa mu mpata; yeye neatue bantu bonso ba ha buloba nsengu yandi, ne ba binunu makumi bia bantu ba mu Efelayima ne binunu bia bantu ba mu Manashe.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;