Misambu 22:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bukole buanyi buakûma bu tshiyoyi tshia luesu, ne ludimi luanyi ludi lulamatu tshilakalaka tshianyi. Wewe udi undadika mu dinfuenkenya dia lufu.

MUKANDA WA MYIDI MUKULU

¹⁵ Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Misambu 22:15 교차 참조

Genese 18:27

Abalahama wakamba ne, Tangila, nakukuata bualu bua kusomba ne Yehowa, meme ndi bu luhuishi ne butue.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

Yobe 10:9

Ndi nkutendekena ne, Uvuluke ne, Wewe wakasumba bu dima; neampingishe mu dinfuenkenya dia buloba kabidi, anyi?

Yobe 19:20

Mifuba yanyi idi ilamatangana ne dikoba dianyi ne munyinyi wanyi, nakuhanduka anu ne nyama ya mu menu.

Yobe 29:10

Dî dia bena butumbi diakahuwa, ne ndimi yabo yakalamata mu bilakalaka biabo.

Yobe 30:16

Mpindiu mutshima wanyi udi uhumuna kanyinganyinga kau munda muanyi; matuku a makenga anyi adi ankuata.

Yobe 34:15

ba ha buloba bonso nebajimine diatshimue, ne bantu nebahingane ku dinfuenkenya.

Yobe 7:21

Wewe kuena umbuikidila bubi buanyi, kuena ungumusha malu mabi anyi bua tshinyi? Bualu bua mpindiu nendale hanshi mu dinfuenkenya, ne wewe neunkebe ne disuminyina, kadi tshiena ngikalaku.

Misambu 104:29

Udi usokoka mpala webe, bidi bitshina; udi ubiumushila muhuya wabi, bidi bifua ne bidi bihingana ku dinfuenkenya diabi kabidi.

Misambu 30:9

Kumatshisha kua mashi anyi kudi mua kukukuatshisha munyi, binahueka mu Dijimba dia Bafue? Luhuishi nenkutumbishe, anyi? Neluambile bantu hua lulamatu luebe ku bushuwa, anyi?

Misambu 38:10

Mutshima wanyi udi ukuma, bukole buanyi budi bumuka kundi; munya wa mu mesu anyi kawenaku — wowo kabidi wakumuka kundi.

Misambu 69:21

Bakumpa bintu bia nyongangandu mu bia kudia bianyi; bua kutalasha nyota yanyi bakannuisha nyinyo wakadi ne buanji.

Misambu 69:3

Ndi muhungile bualu bua kudila kuanyi, mununu wanyi wakûma bikole. Mesu anyi adi ne bileshileshi bua kuindila kua Nzambi wanyi.

Nsumuinu 17:22

Mutshima wa disanka udi buanga hudi busangasha bimpe, kadi muoyo wa muntu udi ne majia udi inuisha mifuba.

Yeshaya 53:12

Nunku nemmutahuluile luseke lua bintu hohamue ne bantu banene, ne yeye neabanyangane bintu binyenga mu nvita hohamue ne bantu bakole; bualu bua wakahumuna mashi a muoyo wandi tô ne ku lufu, wakabadibua munkatshi mua bantu babi, hakatualeye mibi ya ba bungi, ne wakakuila benji ba malu mabi.

Muadi 4:4

Ludimi lua muana utshidi wamua mabele ludi lulamata mu tshilakalaka bualu bua nyota yandi. Bana batekete badi balomba bidia, ne kakuena muntu udi ubahabi.

Danyele 12:2

Bafue ba bungi nebabike, bakuabo bua kuikalabo ne muoyo wa tshiendelele, bakuabo bua kufuishibuabo bundu ne kuhetudibua tshiendelele.

Matayi 27:50

Yesu wakela dî diandi bikole kabidi, wakahuola muoyo wandi.

Yowanane 19:28

Hashishe Yesu wakamanya ne, Malu onso akushika; bualu bua kushikisha dî diakadi difunda mu Mukanda wa Nzambi, yeye wakamba biandi ne, Ndi ne nyota.

1 Korente 15:3

Bua nakafila kunudi ku mpala kua malu onso bualu bunakangata kabidi ne, Kilisto wakafuila bua malu mabi etu, bu mudi Mukanda wa Nzambi wamba;