Misambu 22:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

MUKANDA WA MYIDI MUKULU

¹⁴ Idi ibutula mukana, ikeba kundia, idila bu nyama ya ntambue ya tshikisu!

Misambu 22:14 교차 참조

Yobe 16:10

Bakela miau bua bualu buanyi; bakuntaha mahi ku matama hakumpetulabo; badi badisangisha hamue bua kungelela tshifufu.

Yobe 23:16

Nzambi wakutekesha mutshima wanyi; Wa Bukole Buonso wakuntshinyisha.

Yobe 30:16

Mpindiu mutshima wanyi udi uhumuna kanyinganyinga kau munda muanyi; matuku a makenga anyi adi ankuata.

Misambu 22:17

Ndi mua kubala mifuba yanyi yonso. Badi banjosha talalâ, badi bangosha mesu.

Misambu 31:10

Bualu bua muoyo wanyi udi ufika kunshikidilu kuau ne kanyinganyinga, ne bidimu bianyi biakuhita mu kuhumuna. Bukole buanyi budi buhanga bua bubi buanyi, mifuba yanyi idi mifingutuke.

Misambu 35:21

E, badi babulula mukana muabo bitongatonga bua kunseka; badi bamba ne, Eyo, eyo, mesu etu akukumona!

Misambu 68:2

Bu mudi luhehele lumuangalasha muishi, wewe ubihata; bu mudi dihula dienguluka ku luya lua kahia, bantu babi bajimine ku mpala kua Nzambi muomumue.

Muadi 3:46

Bena lukuna betu bonso bakubulula mukana muabo bua kutuhenda.

Danyele 5:6

Ha bualu ebu mpala wa mukelenge wakandamuka, ne mutshima wandi wakahampakana ne buowa. Manungu a bidimba biandi akahauka, binu biandi biakatutakana.

Nahume 2:10

Musoko eu udi mutuhu, kauyi bantu, kauyi bintu! Mutshima udi uteketa, binu bidi bikanka, bimono bionso bidi bisama bikole, ne mpala ya bantu bonso idi itokoloka.

Matayi 26:38

Yeye wakabambila ne, Mutshima wanyi udi utamba kunyingalala, lufu nduntonda; nushale aha, nuikale nʼanyi tshitabala.

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

Yowanane 12:27

Katataka mutshima wanyi udi utata, nengambe tshinyi? Tatu, unsungile mu dikenga dia diba edi. Kadi nakuluila ku diba edi bua bualu ebu.

Yoshua 7:5

Bena Ai bakashiha bantu bu makumi asatu ne basambombo, bakabihata ku tshibi tshia musoko tô ne ku Shebalima: bakabashiha mu tshibanda kabidi; mitshima ya bantu yakatekete-teketê, yakakudimuka bu mai.