Misambu 19:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mei a Yehowa adi malelela, adi asankisha mutshima; mukenji wa Yehowa udi mulengele, udi utandula mesu a bantu.

MUKANDA WA MYIDI MUKULU

⁸ Mikenji ya Maweja-Nangila kayena bubi. Idi ifila bukole, ipetesha muoyi. Mibelu ya Maweja-Nangila idi mimpe, ikebela bena lungenyi lutekete meji.

Misambu 19:8 교차 참조

Genese 26:5

Bualu bua Abalahama wakitabusha dî dianyi, wakanemekela kudimusha kuanyi, ne mikenji ne mikandu yanyi ne mei anyi.

2 Bakalenga 17:37

ne mikandu yandi ne mei andi ne mikenji yandi biakanufundileye, nubitumikile tô tshiendelele; kanutshinyi nzambi mikuabo.

Nehemya 8:12

Nunku bantu bonso bakaya kuabo bua kudiabo ne bua kunuabo ne bua kutuminabo bantu bakadi hatuhu bintu bia kudia ne bua kusankabo, bualu bua bobo bakajingulula mei akabambilabo.

Nehemya 9:13

Wewe wakumuka ku mukuna wa Sinai, wakahueka mu tshibanda, wakuakula nʼabo mu diulu, wakabaha mei majalame ne mikenji milelela ne mayisha mimpe ne mikandu,

Misambu 105:45

Bua kulondabo mei akabambileye; ne bua kutumikilabo mikenji yandi. Tumbishai Yehowa!

Misambu 111:7

Bienzedi bia bianza biandi bidi bilesha bushuwa buandi ne kulumbulula kuandi kuakane, mei onso adiye wambila bantu adi mua kueyemenyibua.

Misambu 119:105

Dî diebe didi muinda ku makasa anyi ne munya muteme mu nshila wanyi.

Misambu 119:12

Wewe Yehowa, usankishibue, unyishe mikenji yebe mifunda.

Misambu 119:121

Nakuenza bienzedi bualame ne biakane, kundekedi mu bianza bia bankengeshi.

Misambu 119:128

Bua malu a ndi mbala mei ebe onso audi ungambila ne, Adi makane; ndi nkina nshila yonso wa mashimi.

Misambu 119:130

Kubulula kua mei ebe kudi kutemeshila bantu munya, kudi kuhesha muntu mutshimbakane lungenyi.

Misambu 119:14

Ndi ne disanka mu dilonda dia mei ebe, bu mundi nsanka mu bubanji buonso.

Misambu 119:143

Dikenga ne kanyinganyinga biakunkuata, kadi mikenji yebe idi disanka dianyi.

Misambu 119:16

Nendisankishe mu mikenji yebe mifunda, tshiena mpua dî diebe muoyo.

Misambu 119:171

Mishiku yanyi ikutumbishe, bualu bua wewe udi unyisha mikenji yebe mifunda.

Misambu 119:24

Mei ebe awakammanyisha adi disanka dianyi, adi bu bantu badi bandesha meji.

Misambu 119:40

Mona, nakujinga malu awakunsunguila bua meme kuenza, usangashe muoyo wanyi mu buakane buebe.

Misambu 119:54

Mikenji yebe mifunda yakuikala misambu yanyi mu nsubu mundi mushikame bu muena luendu.

Misambu 119:80

Mutshima wanyi wikale muakane tshishiki mu kulamata kua mikenji yebe mifunda bua tshifuishibu bundu ku mesu.

Misambu 119:92

Bu mikenji yebe kayiyi mikale disanka dianyi, nakadi kujimina mu makenga anyi.

Misambu 12:6

Mei a Yehowa adi mimpe; adi bu tshiamu tshia argent tshiakufulabo mu ditanda dia ha buloba, tshiakufulabo misangu muanda mutekete.

Misambu 13:3

Untangile ne witabe kundi, Yehowa, Nzambi wanyi. Utandule mesu anyi, bua tshiadi tulu tua lufu;

Misambu 40:8

ndi ne disanka bua kuenza disua diebe, Nzambi wanyi, bulelela, mukenji webe udi mu mutshima wanyi.

Misambu 93:5

Bileshilu biebe bidi bia bushuwa, malu a tshijila adi akanangana ne nsubu webe, Yehowa, tô ne tshiendelele.

Ekesode 18:16

Bikalabo ne tshilumbu, badi balue kundi, ne meme ndi ndumbulula hankatshi ha muntu ne mmena mutumba nʼandi, ndi mbamanyisha mei a Nzambi ne mikenji yandi.

Nsumuinu 2:6

Bualu bua Yehowa udi uha bantu meji; mukana muandi mudi muhatuka lungenyi ne dijingulula dia mianda.

Nsumuinu 30:5

Di dionso dia Nzambi diakutetshibua ne, Didi dia bushuwa; yeye udi ngabu kudi badi banyemena kudiye.

Nsumuinu 6:23

Bualu bua mukenji udi muinda, diyisha diau didi munya, kubela kudi ne diyisha kudi nshila wa muoyo.

Yeshaya 64:5

Wewe udi wakidila muntu udi wenza bienzedi biakane ne disanka, udi wakidila badi bakuvuluka mu bienzelu biebe. Mona, wewe wakadi ne tshiji, ne tuakenza malu mabi; tuakadimu musangu mule, netusungidibue, anyi?

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Yezekiyele 36:27

Nenteke Nyuma wanyi munda muenu, nennuendeshe mu mikenji yanyi mifunda, nenutumikile mikenji yanyi, nengenze.

Rome 3:20

Bualu bua kakuena muntu wabingishibua ku mesu kuandi bua kuenza kua mikenshi. Bualu bua ku mikenshi kudi kufuma dijingulula dia bubi.

Rome 7:22

Ndi nsanka munda muanyi bua mikenshi ya Nzambi,

Rome 7:7

Netuambe tshinyi? Mikenshi idi bualu bubi, anyi? Nasha kakese! Kadi, tshiakadi kumanya bubi tshi mubumanye ku mikenshi; bualu bua tshiakadi kumanya disamba muoyo bu mikenshi kayi mimane kuamba ne, Kusaminyi bintu bia mukuenu muoyo;

Ngalate 2:19

Bualu bua mikenshi nakamana kufua ku mikenshi, bua meme ngikale ne muoyo kudi Nzambi.

Ngalate 3:21

Mikenshi idi ifuilangana ne milayi ya Nzambi, anyi? Nasha kakese! Bu Nzambi mutuhe mikenshi yakamanya mua kutuhesha muoyo, bulelela, buakane buakadi kufuma ku mikenshi.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Dielulula 16:14

nenuikale ne disanka hanuadia bidia ebi, ne muana webe mulume ne muana webe mukashi ne muntu webe mulume ne muntu webe mukashi ne Muena Lewi ne muenyi ne bana ba nshiya ne bakashi ba mu lufuila badi mu misoko yenu.