Misambu 150:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Numutumbishe ne mazele ne maja a disanka; numutumbishe ne biombelu bidi ne nshinga ne lushiba!

MUKANDA WA MYIDI MUKULU

⁴ Mutumbishayi ne maja ne ngoma, mutumbishayi ne lunzenze ne nshiba!

Misambu 150:4 교차 참조

Yobe 21:12

Badi bimba misambu ne mazele ne lunzenze, badi basanka helabo nshiba.

Yobe 30:31

Kuimba kua lunzenze luanyi kuakuandamuka madilu, ne muadi wa lushiba luanyi wakandamuka dî dia badi badila.

Misambu 144:9

Nzambi, nenkuindile musambu muhia-muhia; nenkuimbile misambu ya kukutumbisha nʼai ne lunzenze ludi ne nshinga dikumi.

Misambu 149:3

Batumbishe dina diandi ne maja a disanka, Bamuimbile misambu ya kumutumbisha nʼai ku tshiona tshia mazele ne lunkombe!

Misambu 33:2

Nusakidile Yehowa ne tshisanji, numuimbile misambu ya kumutumbisha nʼai ne lunzenze ludi ne nshinga dikumi.

Misambu 45:8

Bivualu biebe bionso bidi binunka muhuya wa myrrhe, wa aloes ne wa casse. Tshiona tshia bisanji tshidi tshifuma mu mbalasa ya mibanga tshidi tshikusankisha.

Misambu 92:3

hatudi tukuimbila misambu ne lunzenze ludi ne nshinga dikumi ne ku tshisanji mene; hatudi tuimba ne tshiona tshimpe tshia lunkombe.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Yeshaya 38:20

Yehowa udi musue kunsungila; nunku netuimbe misambu yanyi ne bisanji bidi ne masela matuku onso a muoyo wetu mu nsubu wa Yehowa.

Abakuke 3:19

Yehowa, Mukelenge mene, udi bukole buanyi; udi uvuisha makasa anyi bu mikono ya ngulungu, udi ungendesha ha mutu ha mikuna yanyi mile. Kudi mulombodi wa bimbi ba misamba: ne biombelu.