Misambu 147:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Tumbishai Yehowa! Bua bidi bimpe bua kuimbila Nzambi wetu misambu ya kumutumbisha nʼai. Bua yeye udi muimpe, ne kumutumbisha kudi kuakane.

MUKANDA WA MYIDI MUKULU

¹ Tumbishayi Maweja-Nangila, Aleluya! Mbimpe kuimbila Mvidi Mukulu wetu misambu, bidi biakane kumutumbisha bu mudiye musue!

Misambu 147:1 교차 참조

Ezela 3:12

Kadi bakuidi bakuabo ne Bena Lewi ne bakadi ku mutu kua biota bia batatu babo, bantu banunu bakadi batangile nsubu wa diambedi, hakatangilabo bishimikidi bia nsubu eu bijadikibue ku mesu kuabo, bakadila ne dî dikole; bakuabo bakela mbila bua disanka;

Misambu 135:3

Tumbishai Yehowa, bua Yehowa udi muimpe; nuimbe misambu ya kutumbisha nʼai dina diandi, bualu ebu budi bulengele.

Misambu 33:1

Nuenu bantu bakane, nusanke mu Yehowa. Kutumbisha Nzambi kudi kuakanangana ne bantu bakane.

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 92:1

Bidi bimpe bua kusakidila Yehowa, ne bua kuimba misambu ya kutumbisha nʼai dina diebe, Nzambi Mutambe Bunene wa mulu.

Misambu 92:2

Bidi bimpe bua kuambila bantu bua luse luebe lujalame ne dinda, ne bua kubamanyisha dilolo bu mûdi wewe mua kueyemenyibua,