Misambu 142:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ndi ndila kûdi, Yehowa; ndi ngamba ne, Wewe udi tshinyemenu tshianyi, udi buhianyi buanyi mu buloba bua badi ne muoyo.

MUKANDA WA MYIDI MUKULU

⁵ Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Misambu 142:5 교차 참조

Misambu 119:57

Yehowa udi buhianyi buanyi; nakuamba ne, Nendame mei ebe.

Misambu 16:5

Yehowa udi luanyi luseke lua buhianyi buanyi ne lua luhanza luanyi; wewe mene udi unjadikila luseke luanyi lua buhianyi.

Misambu 27:13

Ndi ngitabusha ne, Nemmone buimpe bua Yehowa mu buloba bua badi ne muoyo.

Misambu 35:12

Badi bampingashila malu mabi ku malu mimpe; banshiya ne muoyo munyingalala.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 46:7

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 56:13

Bualu bua wewe wakuhandisha muoyo wanyi ku lufu, wakulama makasa anyi bua kalenduki bua mmanye mua kuenda ku mpala kua Nzambi mu munya wa muoyo.

Misambu 73:26

Mubidi wanyi ne mutshima wanyi bidi bihanga, kadi Nzambi udi dibue dia mutshima wanyi ne buhianyi buanyi tshiendelele.

Misambu 91:2

Nengambe bua Yehowa ne, Yeye udi tshinyemenu tshianyi ne musoko wanyi munyunguluke ne Nzambi wanyi undi ngeyemena.

Muambi 4:1

Nakatangila kabidi makenga onso adibo bakengesha nʼau bantu muinshi mua diba; monai binsonshi bia bakadi bakengeshibua kabayi ne musambi! Bakabakengesha bakadi ne bukole, bobo kabakadi ne musambi.

Muadi 3:24

Mutshima wanyi udi wamba ne, Yehowa udi buhianyi buanyi, nunku ndi ne ditekemena dianyi kudiye.

Yowanane 16:32

Unvuai, diba nedilue, diakumana kufika mene mene, dianumuangalashabo, muntu kuandi, muntu kuandi; nenunshîe meme nkayanyi; kadi tshiena nkayanyi bualu bua Tatu udi neanyi.

2 Timote 4:17

Kadî Mukelenge wakimana nʼanyi, wakankolesha; bua dî dia Nzambi dimanyishibue kuonso bua bualu buanyi, ne bua bonso ba bisamba bia bende badiunvue; nakabandishibua mukana mua nyama wa ntambue.