Misambu 14:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

MUKANDA WA MYIDI MUKULU

⁴ Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 14:4 교차 참조

Yobe 21:15

Wa Bukole Buonso udi tshinyi, bua tuetu kumukuatshila mudimu? Bidi bitukuatshisha munyi bua tuetu kumutendelela?

Yobe 27:10

Yeye neadisankishe mu Wa Bukole Buonso, anyi? Neubikile dina dia Nzambi misangu yonso, anyi?

Misambu 27:2

Hakalua benji ba malu mabi ha buihi nʼanyi bua kumbunda, bua kudiabo munyinyi wa mubidi wanyi, bakadi bakengeshi banyi ne bena lukuna banyi bakalenduka; bakadishinda hanshi.

Misambu 79:6

Uhumuna njiya yebe hamʼbidi ha bisamba bia bantu bidi kabiyi bikumanye, ne ha mutu ha makelenge adi kâyi abikila dina diebe!

Misambu 82:5

Kabena bamanye, kabena bajingulula malu; badi bendakana eku ne eku mu midima. Bishimikidi bionso bia buloba bidi bikankishibue.

Nsumuinu 30:14

Bantu badiku badi ne menu bu miele ya nvita, badi ne menu a ku binyanganyanga bu tuele bua kudiabo bahele, kubajimisha ha buloba, bua kudiabo bakengi, kubumusha munkatshi mua bantu.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Yeshaya 29:14

nunku, tangilai, nengenze kabidi malu munkatshi mua bantu aba adi abakemesha, malu mene adi atamba kubakemesha ne adi biau malu a kukema; ne meji a bena meji babo neajimine, lungenyi lua bena lungenyi babo nelusokokibue.

Yeshaya 45:20

Nudisangishe hohamue, nulue; nusemene ha buihi hohamue, nuenu badi bahanduke munkatshi mua bisamba bia bantu! Badi benda batuala mutshi wa luhingu luakusongabo, badi batendelela nzambi udi kayi mumanye mua kubasungila, kabena ne lungenyi.

Yeshaya 5:13

Bua malu â bantu banyi badi babuela mu buhika bualu bua kabena ne meji; bantu babo baneme badi bafua ne nzala, ne nyota idi isuma ba mu tshisumbu tshiabo tshia bantu bangi.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Yirmeya 10:25

Hongolola tshiji tshiebe ha mutu ha bisamba bidi kabiyi bikumanye, ne ha mutu ha bantu badi kabayi babikila dina diebe; bualu bua biakabutula bana ba Yakoba; bulelela, biakubabutula, biakubamana, biakuhaula tshishikaminu tshiabo.

Osheya 7:7

Buonso buabo badi batema bu nfulu, badi bamina bakokeshi babo. Bakelenge babo bonso bakubikuka mu bukelenge; kakuena umue wa munkatshi muabo udi umbikila.

Amosa 8:4

Unvuai bualu ebu, nuenu badi badiata bakengi mu makasa, ne badi babutule bahele ba mu ditunga,

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Ngalate 5:15

Kadi binuasumangana, binuadiangana, nudimuke ne kanubutudianganyi.