Misambu 136:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Numusakidile bua Yeye wakalombela bantu bandi bua kuhitshilabo mu tshihela, bua luse luandi ludi lujalame tshiendelele.

MUKANDA WA MYIDI MUKULU

¹⁶ Kulombolaye tshisa tshiende mu tshipela, bualu dinanga diende ndia kashidi.

Misambu 136:16 교차 참조

Nehemya 9:12

Bualu bukuabo, wewe wakabalombola mu munya mu ditutu ne mu butuku mu dî tutu diakatema kahia bua kubatokeshila nshila wa kuakadibo ne bua kuya.

Nehemya 9:19

wewe mu bunene bua luse luebe kuakabalekela mu tshihela; ditutu diakadi dibalombola mu munya kadiakumuka kudibo, bua kubalombola mu nshila; ne ditutu diakadi ditema kahia butuku bua kubatokeshila nshila wa kuakadibo ne bua kuya kadiakumuka kudibo.

Misambu 77:20

Wakalombela bantu bu tshisumbu tshia mikoko, ku tshianza tshia Mose ne tshia Alona.

Ekesode 13:18

Kadi Nzambi wakabalombola mu nshila wa ku tshihela hehi ne Dishiba Dikunze Bena Isalele bakahatuka mu buloba bua Ejipitu ne bintu bia nvita.

Ekesode 15:22

Mose wakalombela bantu bua kuyabo ku mpala bumuke ku Dishiba Dikunze, bakaya mu tshihela tshia Shû bakaya mu tshihela matuku asatu, kabakasangana mai.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Dielulula 11:5

ne muakanuenzeleye mu tshihela tô ne hanuakalua ku muaba eu.

Dielulula 8:15

wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.