Misambu 134:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Monai, nuvudishile Yehowa disanka, nuenu bena mudimu bonso ba Yehowa, badi bimana mu nsubu wa Yehowa butuku!

MUKANDA WA MYIDI MUKULU

¹ Musambu wa bena ngendu. Elayi Maweja-Nangila tuasakidila, nuenu bonsu badi bamuenzela mudimu, bimana mu nzubu muende butuku.

Misambu 134:1 교차 참조

1 Kulondolola 9:23

Nunku bobo ne bana babo balela bakadi batangila bibuelelu bia mu nsubu wa Yehowa, nsubu wa kusambakena mene, bu balami babi.

1 Kulondolola 9:27

Bobo bakadi balala banyunguluke nsubu wa Nzambi, bualu bua bobo bakadi bajidibue mu mudimu eu; bakadi ne bua kunzulula bibi hatshiatshia ku dituku ku dituku.

1 Kulondolola 9:33

Aba mbimbi ba misambu ba ku mutu kua nsubu ya batatu babo ba Bena Lewi bakadi bashikama mu nsubu ei; bakadi kabayi ne mudimu mukuabo, bualu bua bakadi ne mudimu wabo munya ne butuku.

2 Kulondolola 29:11

Bana banyi balume, kanujangaluki; bualu bua Yehowa wakanusungula bua nuenu nuimane ku mpala kuandi bua kumukuatshila mudimu, ne bua nuenu nuikale bena mudimu bandi ne bua kumuoshela musenga wa manananshi.

2 Kulondolola 35:5

Nuimane mu muaba wa tshijila bu muakatahululabo nsubu ya batatuʼenu, bana ba mu ditunga, bua muntu ne muntu wa mu nsubu ya batatuʼenu Bena Lewi ikale ne tshituha tshiandi.

Nehemya 12:9

Bakabukiya ne Uno, bana babo, bakadi ha buihi nʼabo mu midimu yabo.

Misambu 103:21

Nuvudishile Yehowa disanka, nuenu ba mu misumba yandi yonso, nuenu bakuatshi bandi ba mudimu badi benza mudiye musue.

Misambu 113:1

Tumbishai Yehowa! Nuenu bantu ba Yehowa, mutumbishai bienu, tumbishai dina dia Yehowa!

Misambu 120:1

Mu dikenga dianyi ndi ndila kudi Yehowa, ne yeye udi ungunvuila.

Misambu 121:1

Ndi mbandisha mesu anyi ku mikuna mile. Dikuatshisha dianyi didi difuma kudi kunyi?

Misambu 122:1

Nakadi ne disanka hakungambilabo ne, Tuye mu nsubu wa Yehowa.

Misambu 123:1

Ndi mbandisha mesu anyi kûdi, wewe udi mushikame mu diulu.

Misambu 124:1

Yehowa kayi muikale ku luseke luetu, ba mu Isalele bambe nunku ne,

Misambu 125:1

Badi beyemena Yehowa badi bu mukuna wa Siona, udi kauyi mua kunyungishibua, kadi udi mukandamane kashidi.

Misambu 126:1

Hakakudimuna Yehowa buhika bua Siona bua kuhingashamu bantu bandi, tuakadi bu badi balota tshilota.

Misambu 127:1

Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

Misambu 128:1

Disanka didi kudi muntu yonso udi unemeka Yehowa, udi wenda mu nshila yandi!

Misambu 129:1

Bakankengesha ku buana buanyi tô ne mpindiu — ba mu Isalele bambe nunku ne,

Misambu 130:1

Ndi ndila kûdi, Yehowa, mu dijimba dia kanyinganyinga mundi mushikame.

Misambu 130:6

Muoyo wanyi udi windila Yehowa, mutambe dindila dia batentekedi badi bindila kutshia kua butuku; bulelela, mutambe dindila dia batentekedi badi bindila kutshia kua butuku.

Misambu 131:1

Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Misambu 132:1

Yehowa, mubike Davidi mu ntatu yandi yonso.

Misambu 133:1

Monai, bidi bitamba buimpe ne bia disanka bua bukua bantu badikunguishe hamue ne mutshima umue!

Misambu 84:5

Disanka didi kudi bantu badi ne bukole buabo kûdi, badi ne nshila ya ku Siona mifunda mu mitshima yabo!

Lewitiki 8:35

Nenuikale ku mbelu kua ntenta wa kusambakena munya ne butuku tô matuku muanda mutekete, nutumikile dî dia Yehowa bua kanufu bienu, bualu bua Yehowa wakangambila nunku.

Luke 2:37

wakashala mu lufuila bidimu makumi muanda mukulu ne binai; yeye kakumuka mu ntempelo, wakatendelela Nzambi butuku ne munya, ujila bia kudia, umulomba.

Dielulula 10:8

Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Didimanyisha 19:5

Dî diakahatuka ku nkuasa wa butumbi, diamba ne, Nutumbishe Nzambi wetu, nuenu, bahika bandi bonso, badi bamutshina, bakese ne banene.

Didimanyisha 7:15

Bua bualu ebu badi ku mpala kua nkuasa wa butumbi wa Nzambi, ne badi bamukuatshila mudimu mu nya ne butuku mu ntempelo wandi; ne udi ushikama mu nkuasa wandi wa butumbi neashimike nsubu wandi wa tshilulu ha mutu habo.